Европската канцеларија за борба против измами (ОЛАФ) разоткрила криминална група од Италија и Романија. Девет лица ќе се најдат на обвинителна клупа на романскиот суд под обвинение дека направиле измама вредна речиси 850.000 евра, барајќи и добивајќи средства од фондовите на ЕУ наменети за производство на домати.
Истрагата била спроведена во соработка со романската Национална антикорупциска управа и обвинителството на италијанската покраина Ена. ОЛАФ открил голем број потенцијални измамнички практики кои вклучуваат поднесување фалсификувани документи, основање фиктивни компании и фалсификувани декларации за земјиште за незаконско добивање средства.
Меѓу обвинетите има пет италијански државјани и четворица романски државјани. Ним ќе им се суди за формирање криминална група со намера незаконски да прибават земјоделски средства од ЕУ во Романија.
Генералниот директор на ОЛАФ, Вил Итала, рече дека се многу задоволни од ваквиот развој на настаните, што, како што истакнува, е директно продолжение на одличната работа што ја вршат истражителите во партнерство со властите на овие земји.
„Мисијата на ОЛАФ е да се погрижи фондовите на ЕУ да стигнат до целните корисници за да можат да имаат корист на општеството.
ОЛАФ се приклучи на истрагата во 2018 година по извештајот за измама против земјоделските фондови на ЕУ во Романија од страна на група Италијанци. Откако првичните истраги го потврдиле тоа, беше формиран Заеднички истражен тим, составен од ОЛАФ, романската Национална антикорупциска управа и Обвинителството на Ене.
Заедничкиот истражен тим открил голем број неправилности, односно дека криминална група основала лажни фирми со седиште во Романија со единствена цел да добие помош, без никаква намера да одгледува домати.
Користејќи фалсификувани документи како лажни закупнини и фактури, успеале да добијат 850.000 евра. Ова е четвртина од помошта на ЕУ доделена на Романија за производство на таа градинарска култура во 2017 година. Ништо од тие пари не се потрошени за таа намена или во Романија. По осплатата, парите биле префрлени на банкарски сметки во Италија, каде што понатаму биле искористени за финансирање други криминални активности.
ОЛАФ ја затворил својата истрага во октомври 2020 година со судски препораки до романските и италијанските власти и финансиска препорака до Канцеларијата за земјоделство и рурален развој на Европската комисија за враќање на целиот износ од 850.000 евра.
