Во 2020 година хрватските земјоделци ќе добијат најголема сума за поддршка преку директни плаќања од 2014 година до денес, при што 82,6% од финансирањето се финансира преку Европскиот фонд за гарантирање на земјоделството, односно 325 милиони куни повеќе од претходната година.
„Поддршката за земјоделците во наредната година нема да се намалува, напротив ќе биде поголема одколку во оваа година. Буџетот на Министерството за земјоделство е помал, но се однесува на рационализација на администрацијата, односно намалување на материјалните трошоци“, изјави министерката за земјоделство на Хрватска Марија Вучковиќ.
Како што наведуваат, според планот и пресметките за 2020 година Министерството за исплата на поддршка во земјоделството и рибарството преку ЕУ фондовите и државните пресметки обезбедило 6.243.252.065 куни што петставува за 333.972.261 куни, односно 5,7% повеќе одколку во тековната 2019 година.
Авансирањето за директни плаќања започнува на 15-ти ноември
„Успеавме да обезбедиме дополнителни 26 милиони евра за нашите земјоделци за 2020 година со употреба на механизам за флексибилност. Според новиот план за директни плаќања на земјоделците обезбедени се 3.101.459.163 куни, што е за 79,5 милиони куни повеќе отколку во 2019 година “, се вели во соопштението.
