Преку 500 слушатели онлајн и седумдесетина во амфитеатарот на Факултетот за информатички науки и компјуетрско инженерство (ФИНКИ) денеска го следат бесплатниот вебинар „Вовед во Вештачка интелгенција“ што го спроведува Националниот центар за вештачка интелегенција „Везилка“ (Vezilka AI Factory Antenna).
Ова е првата од вкупно три сесии во рамки на курсот, наменет за сите што сакаат на едноставен и практичен начин да разберат што е вештачка интелигенција, како ВИ-системите учат од податоци, каде можат да помогнат и кога е неопходна човечка проверка.
Предавачи се проф. д-р Андреа Кулаков и ас. м-р Елена Атанасоска, а преку примери од секојдневието, кратки квизови и практични вежби учесниците се запознаваат со основните концепти на ВИ. За да ги следите овие обуки не е потребно претходно техничко знаење.
Учеството е бесплатно и отворено за сите, но регистрацијата на платформата за обуки на ВЕЗИЛКА е задолжителна. Потребно е да креирате корисничка сметка на train.vezilka.ai и потоа да се пријавите на курсот.
Регистрирај се и пријави се: https://train.vezilka.ai/course/index.php?categoryid=3
Ова е само почетокот на програмата за обуки на ВЕЗИЛКА — следуваат нови курсеви и можности за учење од различни области на вештачката интелигенција.
ВЕЗИЛКА
