Ве информираме за сите потребни сознанија кои треба да ги имате околу вадењето на дозвола за риболов пред да одите на терен и одговораме на вашите најчести прашања:
Нашиот совет е дека најпрво треба да се информирате дали водата на која сакате да рибарете е дадена под концесија затоа што ако не е тогаш таму риболовот е забранет и не може да се извади дозвола. Доколку водата има концесионер тогаш треба да се информирате кој е тоа ,колку чини таквата дозвола, затоа што има дневни, неделни и годишни дозволи и каде може да ја извадете.
Најчесто ваквата дозвола можете да ја извадете во риболовните пунктови на концесионерите или пак да ја уплатите сумата за дозвола на сметката на концесионерот, еден или неколку денови претходно од тој ден кога го планирате за риболов.
Второ прашање кое сигурно си го поставуавте е дали само со извадена легитимација може да одите на риболов?
Веднаш ќе ви кажеме Не! Затоа што легитимацијата е предуслов за да можете да извадете дозвола за риболов, во случај ако немате важечка легитимација тогаш можете да вадете дневни, неделни или годишни дозволи од самиот концесионер на чии води сакате да риболовите. Или поедноставно кажано за да немате проблеми со инспекторите , секогаш со себе треба да имате и важечка легитимација и важечка дозвола за риболов.
Рибарите се недоволно информирани и за тоа дали ако извадат легитимација преку едно здружение, друго здружение кое исто така е концесионер на вода може да му направи проблем и и да не му издава дозвола
И овде одговорот е Не!
Овие проблеми се спротивно на законот и тој концесионер веднаш треба да се пријави на Државниот инспекторат за земјоделство. Легитамицијата е една и важи за целата територија на државата без разлика преку кое здружение е извадена. Правењето на проблем од страна на концесионерот и неиздавање на дозвола може да го доведе до одземање на концесијата.
Прашање кое си го поставуваат рибарите е и дали легитимацијата важи една година од моментот кога ја извадиле или до крајот на секоја тековна година.
Легитимацијата важи до крајот на годината, без разлика во кој месец ја имате извадено до крајот на тековната година односно до декември. Затоа е препораката легитимацијата т.е маркица за тековната година да се вади на почетокот на годината а нејзината важност се гледа преку маркицата која се лепи од задната страна на легитимацијата.
За годишната државна дозвола, цената е 7.000 денари и важи на сите риболовни ревири и рекреативни зони (реки и езера) каде што е доделена концесија.
Ovaa uplatnica od 4900 den legitimacija i sto po natamu kakva e postapkata za drzavna dozvola za 2021