Компанијата „Дена Продукт Валандово – оранжерии Богданци“ од 07.02.2022 година започна со склучување на договори на кооперанти за производство на корнишони.
Компанијата на земјоделците им нуди загарантирани цени, сигурен откуп, редовна исплата, бесплатен стручен совет, репроматеријали за производство на корнишони, редовна комуникација и посета на земјоделците.
За подетални информации обратете се на броевите: 072/311-600 – Емил и 075/333-677 – Васко
-Имаме традиционални, но има и нови кооперанти. Од традиционалните кооперанти има некои што го прошируваат производството. Некои почнуваат со помали количини и после зависно од тоа колку можат тие да изработат, ги зголемуваат површините. Лани имавме 220 кооперанти, а сега очекуваме повеќе. Веќе имаме нарачка од 300 000 корења – вели агроном Емил Јованов и додава дека она што е важно за земјоделците е помошта што ја добиваат во текот на производството, помош во репроматеријали и најважно редовната и навремена исплата на родот.
Ние сме постојано на терен и го следиме производството, односно правилно извршување на агротехничките мерки, тоа им дава сигурност на земјоделците, а нас гаранција за квалитетен производ. Земјоделци ве очекуваме, порачува Јованов.
