Сопствениците на „СА – МО Бионатура“ – Виница, Горан и Жаклина Филипови после 15 години во странство се вратиле во Македонија и организирале Договорно производство на пиперки во пластеници.
-Отидовме со малку искуство во странство. Кога го видовме земјоделието како се работи таму, а јас сум земјоделско дете, велиме со многу помалку работа можеме дома убаво да живееме. И така после 15 години се вративме, претходно таму го научивме конзервирањето и овде можевме да почнеме со производство на пиперка, а урда и сирење имаме соработка со млекарите – вели Филипов.
Производството прво почнале да го организираат на сопствени површини, а како се развивале и имале потреба од повеќе суровина, склучувале договори со кооперанти за производство на пиперката.
-Почнавме со 3 ха сопствено производство, после се ширеше брендот, пласманот ни е обезбеден и сега имаме кооперанти. Инвестицијата е од наша страна, тие се задоволни од приходот. Нова технологија на оранжерија, работата е сведена на 70% помалку работа, приходите се 5 пати поголеми и сите имаме бенефит од инвестицијата – вели Филипов и додава дека уште еден како него да може да направи инвестиција ќе може 10 фамилии само од ова да живеат. Важно е само да биде откупувачот коректен во цената и плаќањето на пиперката.
