Етеричните масла претставуваат мешавина од цврсти, течни и гасовити компоненти, кои се разликуваат по својот хемиски состав.
Процесот на производство на етерични масла подразбира ситно дробење на растителните суровини и нивна дестилација. Условите за дестилација (притисокот на водената пареа, времето и брзината на дестилацијата) за секој растителен вид се различни.
Етеричното масло се чува во темни и до врв наполнети стаклени шишиња со волумен од 1 до 5 литри, но може да се чуваат и во алуминиумски садови со зафатнина од 1 до 100 литри. Шишињата треба херметички да се затворени и да се запечатени, а потоа да се стават на суво и темно место на температура што нема да биде повисока од 20 степени Целзиусови. За производство на етерични масла потребно е да се обезбеди соодветна опрема за дестилација која бара поголема финансиска инвестиција, а исто така и соодветен простор во кој ќе биде сместена.
Етеричното масло се прави и од некои растенија кои растат и се собираат во природата. За производство на етерични масла се користат и гранчиња од бор, елка, смрека како и нивното семе. Но сепак најголеми количини на етерично масло се прават од лаванда- Aetheroleum Lavandulae и од боровница – Aetheroleum Juniperi.
При еколошкиот начин на производство на етерични масла мора да се почитуваат одредени принципи, како при производството така и при бербата на растенијата. Во процесот на дестилација треба да се применуваат постапки за кои е потребна минимална потрошувачка на енергија и минимално загрозување на животната средина. Отпадниот материјал, после дестилацијата треба да биде искористен за компостирање. Материјалот од кој се изработени дестилаторите и останатата опрема мора да биде стабилен и отпорен на влијанието од страна на растенијата и нивните состојки.
Целокупната опрема, алатите и приборот кој ќе се користи за преработка на лековитите растенија мора да бидат изработени од материјали кои нема да пренесуваат токсични материи, мириси и вкусови, треба да бидат отпорни на корозија и добро да го поднесуваат честото чистење и дезинфицирање. Дрвото и останатите материјали кои не можат добро да се исчистат и да се дезинфициратаат, не треба да се користат.
Вградената опрема треба да биде лесно пристапна за да може полесно да се одржува и да се чисти. Контејнерите за отпад мора да бидат од материјал кој не пропушта, лесни за одржување или пак да бидат за еднократна употреба. Сите простории за ладење мора да бидат опремени со апарати за мерење на температурата.
Извор:Агропоратл.хр
