Есенското третирање на коскестите овошни видови (праска, нектарина, кајсија, цреша, вишна и слива) и јаболчесто овошје (јаболко, круша и дуња) е неопходно за намалување на инфективниот потенцијал на многу патогени и популацијата на голем број на штетници.
Ова третирање се препорачува во фаза на опаѓање на листовите (70% опаднати листови), со цел создавање на депозит од фунгицид кој би доспеал до раните кои се создаваат при опаѓање на листовите. Овие рани претставуваат влез за многу патогени како што се причинителите на шупликавост на листовите (Stigmina carpophilla), рак рани и сушење на овошките (Cytospora cincta), кадравост на листовите од праска (Taphrina deformans), причинителите на монилиозни заболувања (Monilinia spp.), чадлива дамкавост и краставост на плодовите од јаболко (Venturia inaequalis), бактериска пламеница кај јаболкото и крушата (Erwinia amylovora) и бактериски рак рани и изумирање на гранките кај коскестите овошни видови (Pseudomonas sp.).
Во овој период исто така се препорачува и примена на инсектицид, со чија помош би се намалила попуплацијата на голем број на штетници како што се штитестите вошки (Coccideae), лисните вошки (Aphis sp.), трипсите (Thrips sp.) за наредната година.
Ја препорачуваме комбинацијата:
Funguran OH 50 WP или Copernico HiBio: 3 kg/ha + Reldan 22 EC (2 – 4 L/ha) или Harpun (1 L/ha).
Изготвил: M-р. Петковски Ефтим
Заштита на растенија – Хемомак Пестициди ДООЕЛ.
