Американски Легхорн е типичен претставник на расата на добри несилки. Потекнува од италијанска кокошка, која американските одгледувачи ја вкрстиле со некои шпански и други раси, со строга селекција исклучиво на носивост.
При вкрстувањето, во зависност од бојата на пердувите на родителите создадени се разни соеви: бела, црна, еребичеста, жолта, црвена и др. Меѓутоа, при изборот најголемо внимание е посветено на белиот сој бидејќи се покажал како најдобар материјал како во поглед на потенцијалните производствени особини, така и во поглед на доследното пренесување на овие особини и бојата на белите пердуви на потомството.
Белиот сој на Легхорн е најраспространет и најценет денес. На основа на американскиот бел Легорн во некои европски земји се создадени нови типови (англиски, италијански, германски итн.), но ниту еден од нив не го надминува американскиот легхорн во однос на производствените карактеристики.
Легхорн припаѓа на полесните раси: кокошките тежат од 1,5 до 2 кг, а петлите 2,5 кг. Просечната носивост е 180-200 јајца, додека подобрите даваат во просек 270 или повеќе јајца, а рекордерите даваат над 340 јајца годишно. Иако некои други раси (Родајланд, Плимутрок, Црн Орпингтон, Бел Вијандот и Њу Хемпшир) сериозно се натпреваруваат со Легхорн во однос на снесените јајца, сепак Легхорн нема конкурент во поглед на вкупната тежина на снесените јајца (тежина на јајцата 60-70 гр).
Месото од Легхорн не е ниту обилно, ниту квалитетно, меѓутоа, кокошките од оваа раса имаат сочно и вкусно месо, а покрај тоа, тие растат многу брзо.
