Во време кога поради пандемијата на корона вирусот и економската криза се затвораат работни места, Евелина Садагиќ од Сански Мост одлучи да започне сопствен бизнис заснован на производство и продажба на органска храна која ја спрема во сопствената домашна работилница.
– „ Сите наши производи се подготвени дома и направени од стопостотнo природни и проверени состојки. Произведуваме џемови, пекмези, сокови и останати слатка од разни видови овошје. Сето тоа се пасира и се вари во казани на оган, нема потреба од никакви машини, значи, се по стари рецепти како што некогаш се работеше, објснува Садагиќ.
Истакнува како во се и помагаат другите членови на семејството. Додава како кај неа можат да се пронајдат и производи на база на мед, етерични масла, тестенини, сушени чаеви и други артикли.
Сите плодови кои служат како суровина се набрани во градина и се е одгледано природно, без пестициди и вештачки ѓубрива, а производите се без конзерванси.
Вели дека за почнување на сопствениот бизнис добила субвенции од Владата, но дека не сметала на моменталната ситуација.
Поради ситуацијата предизвикана со пандемијата и намалената купувна моќ на локалното население, продажбата не е на очекуваното ниво.
-„ Сепак сум задоволна, бидејќи и покрај се има купувачи. Мислам дека луѓето се повеќе го ценат здравјето, па така водат сметка за тоа дека она што го купуваат е природно и здраво. Се надеваме сепак на подобри денови и дека се ова ќе пројде “, вели таа.
Извор: Агропортал.ба
