Размислувајќи како да започне нов бизнис и што е она што недостига во неговото селото, младиот Душко Малешевиќ( 37), политиколог од Долни Подградец кај Градишка, заедно со неговата сестра Александра основал мала семејна сирењара. Тој се договорил со лоаклните фармери, кои имаат 2-3 крави и кои имаат проблем со откупот на свежо млеко, да им го откупува вишокот на млеко и од него да произведува различни видови на сирења.
-„Ова е прва година откако почнавме со производството, се снаоѓаме, учиме и работиме заедно со нашите производители на млеко. Во нашето село нема доволно млеко па го откупуваме и од други села. Во план ни е да отвориме пет до шест мали откупни станици“, вели Душко кој произведува осум видови на сирење, меѓу кои има екстра тврдо сирење, еден вид полутврдо сирење, два вида свежо сирење и крем сирење. Сето ова не би било можно доколку ги нема насоките и помошта од нивниот технолог, бидејќи единствено со стручна помош може да се успее, вели овој млад човек.
Капацитетот на оваа мини сирењара е 500 литри млеко, а во неа се произведуваат околу 50 килограми сирење дневно. Оваа година не е ни малку лесна за никој па така ни за Душко кој се прилагодува на пазарот. Овие сирења ќе можат да се купат во локалните маркети во Градишка, а од наредната недела и во Бања Лука. Минстерството за земјоделство на Босна и Херцеховина, ги поддржува младите производители во руралните подрачја, преку различни видови на поддршка, а една од нив е и набавка на опрема. Министерството, исто така ја поддржало и идејата на Душко.
-„Во план ни е да ја посетиме оваа сирењара и да видиме на кој начин функционира целиот систем со оглед на тоа дека производството на сирење започна оваа година. Во секој случај ја поддржуваме оваа успешна приказна“, истакнува Милијан Ербез, советник во тамошното ресорно министерство за ЕУ интеграции во областа на сточарството.
Душко истакнува дека има во план да ја прошири сирењарата и да достигне капацитет од 2.000 литри млеко на дневно ниво. Исклучиво засега своите производи ќе ги пласира на локалните пазари. Нивните сирења ќе имаат пристапна цена, така да сите граѓани, како што вели тој, ќе може да ги купат.
Извор: RTRS
