Мерката „Млад земјоделец“ е популарна мерка меѓу земјоделците особено во пелагонискиот регион. Еден од корисниците на 10 000 евра неповратни средства од државата, е Денис Емини од село Доленци , сточар кој одгледува околу 350 овци кај кого денеска се упати екипата на Агротим.
Не беше тешко да ја пронајдеме куќата на семјеството Емини во Доленци. Веднаш ги забележавме тракторите и шталите во кои чуваат овци. Во дворот срдечно добредојде ни посакаа Денис , и неговиот татко Ајдин. Нашиот прв разговор беше токму за мерката преку која го набавиле тракторот .
