Најважниот и најголемиот музеј за вино во светот, Cite du Vin, кој се наоѓаво Бордо Франција, ќе се прошири и во Пекинг. Како што најавуваат во оваа институција сместена во најпознатиот вински регион на планетата, новиот музеј ќе биде направен на триесеттина километри од центарот на Пекинг и ќе биде во чекор со брзината со која овие проекти се спроведуваат во Кина. Музејот ќе биде отворен веќе следната година.
– Виното е дел од светот, изјави Силви Казес, претседател на Фондацијата за винска култура и цивилизација, организација која управува со музејот во Бордо.
Таа потенцира дека нивната мисија е, големата историја на виното да ја споделат со луѓето во Кина.
Како што пренесува, Wine Spectator, извонредно интересен дизајн на музејот претставува кубистичката интерпретација на хоризонтот Сен Емилијов. Оваа зграда би требало одлично да се вклопи во веќе постоечкиот амбиент на винското село Џонг Пу Хуи, како амбиентална целина во рамки на која се наоѓа националниот парк Шиду, познат храм Јунџу и палеолитско наоѓалиште на кое се пронајдени фосили Хомо еректус, еден од предците на човечката раса.
Иницијативата за изградбата на музејот ја предводи кинескиот бизнисмен Вејџан Танг (62), кој го стекнал богатството во „дјути фри“ бизнисот. Танг е голем франкофил, кој за своето верно ширење на француската култура, стана носител на орденот на легија на честа во регионот Фангшан во кој ќе биде сместен новиот музеј. Тој, прв уште пред две децениии, посадил насади со винова лоза. Денес овој регион има околу 30 лозови насади.
– Кина и Франција делат многу блиска љубов спрема гастрономијата и веселите собири со храна – вели Танг, кој смета дека француската винска култура е природно блиска до Кинезите.
Во новиот музеј ќе биде изложена поставка слична на онаа во Бордо, но ќе биде прилагодена за кинеските посетители. Поставката ќе биде поделена на целини кои ќе зборуваат за поимот вино, неговата историја, како и врската меѓу виното и современиот човек, вклучувајќи и информации за купување и консумирање. Неодминлив дел за посетителите на музејот ќе бидат и добро подготвените дегустации.
Напишете коментар