Штетниците кои често се појавуваат кај земјоделските култури најмногу ги привлекува зелената боја. Белата боја на пример ги привлекува јаболковата и сливовата мушичка. Жолтата боја ги привлекува штетниците на маслодајната репка и лисните вошки. Се смета дека сината боја ја намалува активноста на домашната мува.
Привлечноста на поедини бои се повеќе се користи со употреба на визуелни мамци. Во заштита на растенијата се повеќе се користат разнобојни плочи премачкани со лепак кој не се суши или пак се третирани со инсектицид. Тие плочи се ставаат во насадот или посевот. Тие ги привлекуваат штетниците кои се лепат или ги убива инсектицидот. Жолтата боја ги привлекува лисните вошки, мушичките, цветниот штитест молец, понекогаш и калифорнискиот трипс и многу други штетници. Сината боја најдобро го привлекува трипсот. Белата боја ги привлекува јаболковите и сливовите мушички.
Исто така познато е дека некои бои имаат дејство на одбивање на некои штетници. На пример, белата боја ги одбива лисните вошки, па имало обиди за намалување на нивниот напад со прскање на семенскиот компир со вар или бела боја. Такви обиди со голем успех се правени во Хрватска.
Лепливите плочи најмногу се користат за следење на појава на штетникот поради прогноза на нападот, утврдување на потребата од сузбивање и оптимален рок на употреба на инсектицидите. Со закачување на поголем број лепливи плочи (20-25/100m2) може да се намали бројноста на популацијата на одреден штетник.
Производството на зеленчук но и на цвеќиња во стакленици тешко може да се замисли без употреба на разнобојни плочи премачкани со лепак кој не се суши или плочите да се третираат со инсектицид кој ги убива инсектите што ќе дојдат во контакт со плочата.
