Невен или (Calendula officinalis L.) претставува многу вкусно и лековито растение. Неговите суви цветови уште од дамнешни времиња се користеле за правење на лекови.
Невенот е едногодишно цветно растение. Се сее и се засадува во пролет. Често се случува кога есента е долга и топа, растенијата кои штотуку изникнале да ја минат зимата без оштетување и во рана пролет продолжуваат да растат. Коренот на невенот е вретенест и расте длабоко во почвата. Од него израснуваат, кревки, лиснати стебленца високи 50-80 сантиметри. Гранките се разгрануваат во горната половина и имаат светло зелени издолжени лисја. Цветовите се со дијаметар од 5-10 сантиметри и се формираат на врвот на секое стебло. Карактеристично е што има засечен надворешен раб свиткан како срп со карактеристична светло до темно жолта боја.
Интересно е тоа што семето на невенот може да `рти и после 5 до 6 години и никнува многу бргу за само 5-6 дена откако ќе биде посеано. Невенот расте многу брзо, така што првите цветови можат да се забележат за 40 дена после никнувањето. Овие силно портокалови цветови во органската градина можат да цветаат се до појавата на силни мразеви. Растението се подмладува со редовно берење на цветовите.
Невенот е отпорно растение, не е остеливо на суша но сепак сака топла клима. Младите растенија не се осетливи на пролетните мразеви, па поради тоа може да се сее уште во февруар. Се сее така што растојанието меѓу редовите да биде 50 сантиметри , на дадочина од 3-4 сантиметри.
Значењето на невенот во органската градина
Невенот е многу важно растение за органската градина, а своето место го наоѓа и во професионаното органско производство. Најчесто се сее помеѓу редовите на градинарските и украсните растенија поради заштита од разни штеточини и инсекти.
Од листот, цветот и плодот на ова растение се прават голем број заштитни средства .
Како се берат цветовите на невенот?
Доколку сакате да ги сочувате овие прекрасни цветови за правење на чај или на некои лековити препарати, треба да ги берете рачно и тоа најдобро два пати неделно. Собраните цветови треба веднаш да се стават да се сушат, а потоа сувите цветови се ставаат во најлон кеси и се чуваат во сува просторија.
Ферментираниот екстрат од невен се користи како ефикасно средство против штеточини и нематоди.
За припрема на ова средство,потребни се 1-2 килограми цветови од невен да се прелиат со 10 литри вода и се остава да ферментира. По завршувањето на процесот, течноста се процедува и се разредува со вода во однос 1:10. Со овој раствор се прска почвата помеѓу редовите со зеленчук.
Извор: Органска градина
Напишете коментар