Сложените ѓубрива (NPK) денес сè повеќе се употребуваат и можат да бидат мешани и комплексни.
Мешаните ѓубрива настануваат со механичко мешање на единечни ѓубрива (тоа се ѓубрива кои содржат само една хемиска супстанција како активна материја: азот, фосфор, калиум и др.) додека комплексни се хемиските соединенија во кои се застапени 2,3 или повеќе елементи.
Предноста на сложените ѓубрива се гледа во заштедата на времето на употреба, транспорт, сместувачки простор и избегнување на грешки во ѓубрењето.
Ако во сложеното ѓубриво има две состојки, тогаш тоа се двојни, а ако се застапени три состојки тогаш тоа се тројни ѓубрива. Составот на сложените ѓубрива се означува со броеви, што често се нарекува комбинација или формулација.
Така постојат сложени ѓубрива 11:11:11, 15:15:15, 10:30:20, 0:25:25 и други. Секогаш првиот број се однесува на содржината на азот, вториот на фосфор, а третиот на калиум. Така во комбинација 10:30:20 во100 кг ѓубриво има 10 кг азот (N), 30 кг фосфор (P2O5) и 20 кг калиум (K2O).
Процентуалниот дел на активната материја во ѓубривото се нарекува концентрација. Ѓубривото 10:30:20 има 60%, a 15:15:15 има 45% активни материи. Ѓубривата со концентрација од 30% се нискоконцентрирани, од 30-40% средноконцентрирани, а над 40% високо концентрирани.
Користење на NPK ѓубривата во градинарството
За основно ѓубрење на земјиштето пред орање се користат комбинации со мала доза на азот или без него. Најчесто тоа се комбинациите10:30:20, 12:24:12, 10:20:30, 8:20:25. 0:25:25, 0:20:30 и др.
Која комбинација на ѓубрива ќе биде употребена зависи од типот на земјиштето, одгледувањето на посеви и времето на употреба.За предсеидбена подготовка како стартно ѓубриво се користи комбинација со поголема содржина на азот, најчесто: 17:17:17, 15:15:15, 20:20:8, 20:20:10 и др.
Извор: agrosavjet.com
