Земјоделското производство е мачно, неизвесно, несигурно и тоа го знае секој што се занимава со производство на храна или други земјоделски производи. Една година ќе се погоди, друга послабо…но нивите пак се ораат, кравите се хранат, а младите ги наследуваат родителите и нивите земјоделски традиции.
Таква е приказната и за тројцата браќа во семејството Шабаноски од битолското село Лера. Во дворот трактори, во шталата крави, на нивите пченка и тутун…и така трета генерација по ред.
Најмладиот од нив, а деновиве и најсреќен е 24 годишниот Аргетим.
Едно доаѓање во дворот, прво што ни покажа беше новиот трактор кој неодамна го купиле од фирмата „ХЕМОМЕТАЛ“ – Битола. На социјалните мрежи видел реклама за купување на нов трактор на одложено плаќање на 60 рати.
– Бевме заинтересирани да купиме нов трактор. Веќе имаме два, но имавме потреба од нов. Му кажав на мојот татко за условите во ХЕМОМЕТАЛ и одма уште другиот ден отидовме да ја разгледаме нивната понуда- раскажува Аргетим.
Тоа се тие нови генерации земјоделци кои го користат интернетот за новитети особено за нова модерна механизација, предуслов за конкурентно производство.
Имајќи предвид колкаво е значењето на современата земјоделска механизација во намалувањето на производните трошоци, зголемувањето на продуктивноста и квалитетот на земјоделските производи, за пофалба е и позитивниот тренд на фирмите кои продаваат земјоделска механизација со поволностите кои ги нудат.
– Постапката во ХЕМОМЕТАЛ -Битола беше многу едноставна и не требаше голема документација. Доставивме само лични документи од четворица членови на семејството и за една недела се сторивме со нов трактор, марка СОЛИС 75 . Се трудиме колку што може повеќе да вложуваме во механизација. Така ги намалуваме трошоците , а си ја олеснуваме и работата. Не можеме да бидеме конкурентни ако не купуваме нова механизација – вели Аргетим.
Аргетим и неговите двајца браќа се трета генерација во семејството Шабаноски што се занимава со земјоделство. Во семејството од секогаш саделе тутун, пченка, одгледувале крави и овци. Сега нивниот татко Неџмедин се ориентирал на крави, а исто така обработуваат и 4 хектари земја која ја садат со претежно со пченка и тутун.
-Во моментот имаме околу 40 крави. Јас и татко ми повеќе сме околу кравите, а браќата околу земјата. Задоволни сме од она што го произведуваме. Дневно предаваме од 250-300 литри млеко во Битолската млекара, со исклучок на овој зимски период кога приносот е околу 100 литри млеко. Годинава сме многу задоволни и од проценката на тутунот. Се на се годинава добро поминавме – вели Шабаноски.
Семејството Шабаноски во иднина сака да го зголемува своето земјоделско производство и со говеда но и со површини кои ќе ги обработуваат. Аргетим ни кажа дека минатата година не успеале, но оваа година планира да аплицира на повикот за „Млад земјоделец“ и се надева дека ќе успее. Тоа многу ќе му помогне на неговото семејство да ја постигне саканата цел.
Ние ќе ја заокружиме нивната приказна со пораката – мерката „Млад земјоделец“ е создадена за Аргетим и младите како него.
