Како што е познато, стеблата на црешата калемени на дивата цреша, во текот на повеќе години експлоатација пораснуваат до висина од 5-6 метри па и повеќе. Ваква висина на стеблото предизвикува многу проблеми во производството: отежната берба, нееднакво созревање на плодови, послаб квалитет на плодовите во внатрешноста на крошната, која не е доволно осветлена, изразено е оголување на внатрешноста на крошната следено со пренесување на родните елементи на периферијата, отежната е заштитата од болести и штетници, големи се оштетувањата на плодовите на врвот од птиците итн.
За барем делумно да се отстранат овие недостатоци, се препорачува реконструкција на крошните со скратување на прифатлива висина од 3 до 3,5 метри. Тоа се изведува со прекратување на централните гранки на стеблата и исправените рамни гранки на приближно еднаква висина, односно така што сите пресеци да бидат во едно ниво. Скратувањето најчесто се изведува со моторни пили или рачно, потоа резовите се измазнуваат со нож и се премачкуваат со калемен восок. Скратувањето на гранките во крошните може да се изврши во два наврати и тоа: на крајот на зимата до почетокот на движење на вегетацијата или во текот на месец јуни, за време или по завршената берба. Во тој период најкорисно е сечење во текот на бербата, бидејќи тогаш можат да се искористат плодовите од таа вегетација. Покрај тоа, тогаш е и помалку интензивен вегетативниот пораст, што е поповолно.
Во текот на наредната вегетација, од остатокот на дрвото ќе се развијат бројни леторасти од кои ќе се формираат бројни нови гранки, кои се носачи на родниот потенцијал. Во подоцнежните години со резидба треба да се врши проредување и свиткување на гранките поради постигнување баланс помеѓу вегетативниот раст и родноста.
Извор: domacinskakuca.rs/
