Во петокот на париската MATIF повторно паднаа цените на пченицата и пченката. Има многу причини кои го диктираа темпото на промени. Стравот од рецесија, зголемувањето на извозот на житарки од Украина и Русија, како и притисок на намалување поради зајакнувањето на еврото, се дел од причините кои доведоа до овој тренд. Цените на пченката помалку паднаа, а причина е сушата која влијаеше на намалување на приносот од двете страни на Атлантикот.
Во текот на минатата недела пченката во Европа поскапе за симболични 0,25 евра или 0,1 отсто, а цените на пченицата биле пониски за 6,5 евра, односно два отсто.
Петок, односно крајот на неделата, конечно го донесе падот. Пченицата за септемврискиот договор чинеше 323 евра/т, додека пченката се продаваше за 316,25 евра/т. Маслодајната репка се продаваше во петокот за 612,50 евра/т за договорот за ноември, а растот е во согласност со цените на нафтата и сојата.
На берзата во Чикаго цените на пченицата, пченката и сојата беа под влијание на слабеењето на доларот. Цените за пченица имаа поттик во прогнозата за сеидба во Украина за следната година бидејќи таа земја најави дека засеаните површини ќе се намалат за 30 до 40 проценти.
Почетната цена на пченицата од 286,89 евра/тон е зголемена за 2,26 отсто и изнесуваше 293,36 евра/тон. Кај пченката е зголемена за 1,63 отсто и изнесуваше 265,16 евра/т. Сојата се продаваше за 558,79 евра/т, што е пораст од 2,56 отсто. Овесот поскапе за 2,14 отсто, а се продава за 273,46 евра.
