Имам приказна која се вика „Зоралек“, а во неа се раскажува за успешен семеен бизнис, пожртвувана и амбициозна мајка Нада и нејзините двајца синови, од кои лично го запознав помалиот – Александар, образован, вреден и ведар лик.
Нивна дејност е пчеларството, производство на органски мед, органски пчелни производи, откуп, продажба на пчеларска опрема, едукација за младите пчелари.
Основата ја имаат создадено родителите и тука се за се што треба, но главни сега се браќата. Тие го водат бизнисот, го развиваат, наоѓаат нови пазари, користат мерка „Млад земјоделец“, воведуваат новитети.
Не требаше многу време во разговор за да се препознаеме дека сме на иста линија, јас со поддршка на младите во агросекторот, тие во потребата за поголема промоција и едукација на земјоделците преку Агротим.
Тука секако е и „Рурална жена“ мерка која е наменета токму за вакви бизниси, за поголем степен на финализација и олеснување на пласманот.
Посетата на „Зоралек“ ми дојде како лек на душата и во буквална смисла на зборот. Медот со матичен млеч кој го добив на подарок од вечерва е редовна доза, пријателска.
Ленче Николовска
