Експертите предвидуваат зголемување на побарувачката и производството на јаткасти плодови, но за тоа да биде одржливо, важно е интегрирано управување со водeнитe ресурси. Придобивките од консумирањето на јаткасти плодови како извор на хранливи материи и протеини се веќе добро познати, но со секое зголемување на нивното производство треба да се земе предвид одржливоста на водените ресурси. Експертите предупредуваат дека во светот 74% од јаткастите плодовите , се произведуваат под воден стрес, што секако предизвикува големи загуби на вода.
Еден милион тони бадеми годишно се произведуваат под воден стрес
Во Небраска на универзитетот Твенте, експертите проучувале колку растенијата кои имаат јаткасти плодови се одгледуваат со помош на наводнување. Резултатот покажал дека 74% од вкупното производство се одгледувани под воден стрес, од кои 63% се одгледувани под многу голем стрес и тоа во повеќето региони на светот. Поголем број вакви случаи се забележани во Индија, Кина, Пакистан, Блискиот исток, САД и на Медитеранот.
Водениот стрес се јавува кога побарувачката за вода ја надминува расположливата количина на вода и тоа во одреден период или кога лошиот квалитет на водата ја ограничува нејзината употреба.
Околу еден милион тони бадеми годишно се произведуваат со огромна потрошувачка на вода, од кои 60 проценти во Калифорнија која е позната по одгледувањето на ова овошје. Потоа следуваат оревите со 6,67 тони годишно, фстаци со 0,36 тони и лешници со 0,28 тони годишно. Кикириките со род од околу 8,7 милиони тони годишно , се одгледуваат под воден стрес, претежно во Индија и Кина, откриле истражувачите.
Во медитеранската област, со зголемена потрошувачка на вода, се одгледуваат големи количини бадеми и лешници, посебно во Шпанија, Италија, Грција, Турција, Израел, Либан, Либија, Тунис и Мароко.
Производството на јаткасто овошје може да се зголеми за 11 пати
Авторите на студијата пресметале дека доколку поголемиот дел од населението се придржува до препораките за исхрана која бара зголемен број на растителни протеини, до 2050 година, ќе се зголеми побарувачката на јаткасто овошје , а со тоа секако и производството, и тоа дури за 11 пати.
Една таков режим на исхрана беше објавен од страна на една група составена од 37 научници . Во изготвувањето биле вклучени и здравствени работници, климатолози, земјоделци и друго. Нив им биле потребни две години да го осмислат овој начин на исхрана кој може да нахрани 10 милијарди луѓе без да и наштети на планетата. Оваа диета вклучува консумирање на 50 грама јаткасти плодови на ден .
Што е важно за одржливо одгледување?
Бидејќи големи количини на јаткасти овошје се веќе произведени под воден стрес, одгледувањето треба да се направи на начин кој е одржлив, бидејќи нивното одгледување негативно влијае врз водните ресурси во различни делови на светот.
