Во организација на фирмата СЕМЕНАРСТВО, денеска во Велес се одржа советување од областа на семе и саден материјал.
Пред голем број присутни земјоделци кои обработуваат стотици хектари земјоделска површина, презентација на семенска пченка, сончоглед, луцерка, соја, пченица и јачмен, имаа претставници од Земјоделскиот институт од Осијек.
-Земјоделскиот инсититут од Осијек има 140 годишна традиција, со 200 вработени, државна инситуција која 96% се финансира од сопствената дејност, а само 4% од државниот буџет. Признати и познати насекаде во светот со квалитетот на нашите семиња. Со нашиот партенер во Северна Македонија, СЕМЕНАРСТВО имаме одлична и долгогодишна соработка и се надеваме дека така и ќе продолжи, сега и со нови сорти и хибриди кои ги развиваме согласно вашето поднебје – истакна Звонимир Здуниќ, директор на институтот.
Домаќинот на настанот, првиот човек на СЕМЕНАРСТВО, Штеријо Николов изрази задоволство од покажаниот интерес од страна на земјоделските производители за новитети и информациите кои денеска беа презентирани.
-Нашата долгогодишна соработка со Земјоделскиот институт од Осијек е на обострано задоволство, а во интерес на вас земјоделците. Високо квалитетни семиња и програмата за заштита и прихрана се покажаа како одлична основа за ваше конкуретно производство и поголема заработка – изјави Николов.
Средбата беше одлична можност за дружење на луѓето од агросекторот, размена на мислења и искуства, секако добредојдени за поголем развој на македонскиот аграр.
