Вработените во подрачната единица на Министерството за земјоделство, шумарство и водостопанство Кавадарци, заедно со Раководителот на подрачната единица Митко Керов, денес беа на терен им ги поделија картичките на земјоделците, кои не можеа да ги подигнат од подрачната единица во Кавадарци.
Денес беа поделени над 50 картички за зелена нафта и тоа во селата Дреново, Возарци, Марена и Сопот- вели раководителот на ПЕ Кавадарци. Повторува дека мерката ги опфаќа сите здмјоделци кои имаат поднесено единствено барање по програмата за директни плаќања за 2018 година за лозови, овошни, градинарски и поледелски култури.
Како подрачна единица со најголем број на картички за зелена нафта, сакаат буквално секој земјоделец да ја добие картичката што му помага во намалувањето на трошоците. Од вкупно 6000 картички, поделени се над 5400 картички, и оваа подрачна единица ќе направи се, за да дојде до секој земјоделец ,да ја добие картичката и да му олесни во трошковите.
Раководителот на МЗШВ Кавадарци Митко Керов, посочува дека утре продолжуваат со делењето на кртичките во општина Росоман со селата Манастирец и Сирково.
