На морковот не му одговараат сите видови на почва и успешното одгледување може да биде проблем. Ако се изберат добри видови може да се обезбеди принос во текот на целата година. Може да се сее на мало растојание и да се обезбеди добар принос на мала површина. Постојат разни сорти кои се користат како најбрз посев, се сеат преку цела година во заштитен простор и во саксии. Главните посеви за летна и есенска берба имаат подолги корени и може да се чуваат и во зима.
Коренот може да биде во разни форми, мал и топчест, тенок или широк, краток или долг, цилиндричен или остар. Повеќето се со портокалова, црвена или жолта боја и може да се одгледуваат како мини зеленчук. Се сее на земјиште без камења на сончево отворено место а сортите со краток корен добро успеваат и во садови. Раните и доцните посеви можат да се одгледуваат во заштитен простор.
Обработка на почвата
На релативно плодна почва или почва подобрена за претходната сеидба, не е потребно дополнително прихранување. Идеална pH вредност е 6,5-7,5. Морковот е најдобро да се сее директно во почвата бидејќи коренот ако се преместува нема да се развие добро. Минималната температура за никнување е 7 °C. Одгледување на сорти со округол корен може да започне во ќелии а сортите со краток корен може да се одгледуваат во биоразградливи туби кои потоа цели се пресадуваат заедно со растението.
Ако сеете во заштитен простор,работете го тоа од февруари до август а од февруари до јуни ако пресадувате на отворена парцела. На отворено, раните сорти почнувате да ги сеете во февруари или март штом почвата малку се затопли. Главните посеви можат да се сеат од април до јуни. За чување преку зима посеете го семето на крајот на мај или јуни како на есен, кога веќе може да се извади а коренот не би бил преголем. Сеете во плитки редови на длабочина од 2 см водејќи сметка за оддалеченоста или по 3-4 семки во еден отвор. Раните сорти се одгледуваат на поголемо растојание од 15 см.
Мерки на заштита
Тревата се уништува додека растенијата се млади. Препорака е добро да се наводнува кога е суша а болести и пореметувања се ретка појава. Главен проблем е морковата мува а за да ја избегнете, одгледувајте го посевот под покривачите за редови или танка мрежа. Морковот засеан на почетокот на јуни ќе го избегне нападот на првата генерација муви и ќе биде доволно голем за да се спротивстави на нападот на втората генерација. Морковата мува може да ја привлече и мирисот на искинати лисја од морковот, поради тоа за време на сеењето водете сметка за растојанието за да го избегнете проретчувањето. Ако е веќе потребно проретчување, правете го тоа во вечерните часови а не кога е сонце, бидејќи тогаш морковата мува е најктивна. Кромидот може да го заштити морковот така да одгледувајте 4 реда кромид на секој род морков.
Берба
Коренот се вади додека е млад а главните посеви може да се остават во земјата да презимат и да се вадат по потреба. Во ладните подрачја заштитете го морковот со слама. Оставањето во земјата не се препорачува ако земјата е тешка или ако растението го нападнало моркова мува. Доколку сакате да го чувате тогаш морковот вадете го во октомври или ноември.
Извор : AGRO-EKO Magazin
