Кога ќе помислеме на мало рибарско место, долж песочниот брег, градини со тропски растенија, Франција дефинитивно не ни е прва асоцијација за тоа. Но, сепак на атланскиот брег на Франција се сместени неколку живописни места како што е Олерон, во кој можете да го доживеете еден необичен одмор.
Оваа година, Олерон се проби на врвот на листата на мали туристички дестинации кои забележаа драстичен раст, а штом тоа му тргнало од рака во 2020 година, мораме да дознаеме за што станува збор.
Иако е еден од најголемите острови во Франција, неговите рибарски населби се мали и питоми. Познати се на љубителите на фотографии кои овде доаѓаат да ги овековечат шарените рибарски куќи и кабини, а за туристите ова е совршен избор за добар одмор. Плажите се песочни, климата блага, а харната не може да биде посвежа.
Главен специјалитет на Олерон се школките кои имаат и свој мал музеј во кој можете да откриете како се одгледуваат. Покрај тоа туристите можат да се засладат со чаша вино од домашните лозја.
Од светилникот висок 46 метри има прекрасен панорамски поглед на Атлантикот и паркот на природата на север на континентот. Тоа се и масивни ѕидини на некогашната тврдина која е денес напуштена но не и заборавена. Потполно бесплатно можете да влезете и да разгледувате, а просторот го искористиле и домашните уметници и вајари како свое ателје.
Мини ботаничката градина на Олерон, речиси од ништо ја создадоа луѓето кои живеат таму и ја наполнија со тропски растенија. Можеби ќе посакате да имате таков рај во својата соба или куќа, па добра вест е дека сопственикот со задоволство ќе ве едуцира за тоа кое растение можете успешно да го одгледате во својот крај. Тука е и продавницата во која можете да купите семе од повеќето растенија кои сте ги виделе.
Освен градината, Олерон го разубавува и необична зоолошка градина, т.н „парк на дабарите“. Во летните месеци малите дабари можат да се видат во паркот и обезбедена им е вода, храна, простор за трчање и пливање, како и внимание од страна на луѓето кои доаѓаат да се дружат со нив.
Икао до Олерон може да се дојдете со автомобил, многумина се одлучуваат островот да го откриваат со велосипед. Во последните десет години изградена е мрежа на велосипедски патеки долга од 100 километри. Но, постојат и бројни агенции кои нудат излети на островот.
Овој остров е сместен на половина пат помеѓу Бордо и Нант и претставува добра точка за да се пресече патот и да се збогати албумот на патувања со малку поинаква слика за Франција.
Извор: punkufer.dnevnik.hr
