Ваквото одгледување е едноставно и не бара копање и грлење, а се што ви треба е соосветна покривка на тлото.
Садењето на компири на конвенционален начин бара многу труд околу обработкатана почвата, копање , грлење и сл. Меѓутоа негативните ефекти од глобалните климатски промени како и ограничениот број на обработлива земја придонесоа за развивање на идеи за алтернативни методи за одгледување на овој зеленчук без обработка на почвата, позната како површинско садење на компири.
Како што пшува gardeningknowhow, за вакво одгледување најважно е да се избере место со многу сончева светлина и добар покривач за подлогата, а многу е важно и тоа дека компировата златица многу ретко се јавува при ваквиот начин на одгледување.
Се препорачува како покривка на одлогата да се користи слама или сено
Наместо конвенционалната обработка на почвата со орање и припрема за садење, површината на подлогата се покрива со слој од 5-8 сантиметри слама или сено. За ова се потребни 100 киограми за 100 метри квадратни.Една квадратна бала со сено е тешка околу 15 килограми и е многу евтина.
Пожелно е сламата или сеното кое ќе се користи да бидат влажни , постари и сецкани, но може да се користи и сува и свежа слама, но таквата ќе треба да се наводени со вода или со арско ѓубриво за да не може да ја однесе ветрот.
Доколку површината на подлогата е збиена и обрасната со коров, можете да ја прекопате за да може подлогата да добие кислород. Во таа прилика збогатете ја со ѓубриво без разлика дали тоа ќе биде шталско или некое друго купено органско ѓубриво. Исто така може да се користи и компост или минерално ѓубриво.
Делумно обработената подлога овозможува збогатување на подлогата со додавање на соодветно количество на ѓубриво кое покасно коренот од компирите ќе го пронајде со пробивање на тенкиот слој на покривката и со вкоренување во подлогата, а развојот на компирите ќе се одвива на површината од покривката без контакт со почвата.
За садење потребно е температурата на воздухот да биде од 8 до 10 ° C. Компирите се садат на растојание од 30 сантиметри по ред и 40 до 50 сантиметри помеѓу редовите. По садењето, покријте ги со влажна сецкана слама до дебелина од 10 до 15 см. Сувата слама или сено треба да се натопат со вода или со кашеста смеса бидејќи создава поволни услови за минерализација на покривката. Свежото сено или арско ѓубриво, исто така, може да се попрскаат врз прекривка за понатамошно да се спречи да ги оддува ветрот, истовремено обезбедувајќи дополнителен извор на хранливи материи.
Додавање на нов слој
Кога растенијата ќе достигнат висина од 15 до 20 сантиметри, треба да се стави нов слој прекривка со цел да се одржи влажноста и да се одржи поволната температура, како на пример во конвенционалното одгледување. По ставање дополнителниот слој, покриеното растение треба да се ослободи со расплетување, така што да може да расте понатаму и да формира силни стебла и лисја.
Берењето е многу едноставно
Една недела откако ќе процветаат, младите компири се подготвени за вадење. Не мора да го откорнете целото растение , туку само само одплеткајте ја сламата, повлечете ги поголемите компири и повторно затвотере ја прекривка, така што помалите компири ќе продолжат да растат и понатаму. Откако стеблото ќе се исуши, неговиот животен циклус е завршен и една недела подоцна, извадете ги останатите компири. Сламата само израмнете ја и оставете ја да изгние, со што ќе се збогати почвата.
Извор Агроклуб
