Одгледувањето на краставици на слама се состои од копање на канали во пластениците кои се полнат со слама, па кога сламата ке се ,,запали” ја грее зоната на кореновиот систем па краставиците растат брзо и даваат богат принос.
Одгледувањето на краставици на слама е метода разработена во Германија. Се состои во копање на канали во пластениците кои се полнат со слама, па кога сламата ќе се ,,запали” ја грее зоната на кореновиот систем и краставиците растат брзо и даваат богат принос.
Еве и конкретен пример за пластеник долг 30 метри и широк 6 метри. Првиот канал се копа на растојание од еден метар од ивицата по должината на тунелот, со ширина 80 сантиметри и длабочина 20 сантиметри. Патеката помеѓу два канали е исто така широка 80 сантиметри. На неа се става ископаната земја со која покасно ќе се покрие сламата и на неа ќе се одгледуваат растенија. Во пластеникот широк 6 метри, има три вакви канали. Во нив се редат бали слама и тоа во два слоја. Одкако ќе се стави првиот слој врз него се става минерално ѓубриво и тоа еден килограм NPK 20:10:10 по бала слама. За конкретниот пример потребно е 450 бали слама и 225 килограми минералнио ѓубриво кое се растура врз површината на сламата во дупки од 72 квадратни метри.
Во недостаток од комплексни ѓубрива, можат да се направат и други соодветни мешавини . Со оглед на тоа дека се прави прв слој слама, па губриво, врз него треба да се стави и тенок слој негасена вар, па потоа се реди горниот ред слама. Потоа сламата добро се залива со вода и се набива со газење.
Кога сламата ќе се загрее на неа се нанесува слој од плодна земја
Во тој случај негасената вар почнува да се ,,гаси” и ослободува големо колиество на топлина поради која сламата се ,,запалува. Кога сламата ќе се загрее на 300 степени Целзиусови, а тоа ќе се случи за неколку дена во покриениот пластеник, врз неа се нанесува слој плодна земја со дебелина од 10-15 сантиметри. Во спротивно без варта ќе се загрее дури за две недели.
Потоа се расадува расад од краставици обично стари 30-35 дена иако може и помлади , во пластеници без греење обично во почетокот на април. Врз еден ред слама се расадуваат два реда краставици, со меѓусебно растојание од 40 сантиметри и растојание помеѓу растенијата во редот околу 30 сантиметри. Така се добиваат дворедни траки со меѓурастојание од 120 сантиметри (20Х80Х20). Во конкретниот пластеник на овој начин се садат 600 растенија што изнесува 3.300 растенија на еден хектар.
Во текот на вегетацијата сламата се разлага и се претвора во хумус, се ослободува топлина која ја загрева зоната на кореновиот систем и пластеникот, така да со редовно полевање и проветрување се овозможува буен раст и богат род на краставиците.
Извор : https://www.agroklub.com/
