Општина Новаци со Агенцијата за поддршка и развој на земјоделието од македонска страна и тројцата партнери од грчка страна денес одржаа работилница за формирање на кластер за биомаса во рамки на проектот „Одржливо менаџирање на агро-отпадот за загревање на руралните средини“. Овај проект е финансиран од ИПА програмата за прекугранична соработка меѓу Македонија и Грција 2014/2020 година.Вкупниот буџет на проектот е со висина од 670 илјади евра, од нив 216 илјади евра се за општина Новаци, а 50 илјади евра за Агенцијата за поддршка и развој на земјоделието.Главната цел на проектот е да се подобри управувањето со агроотпадот кој што ќе се трансформира во корисно обновливо гориво што би резултирало со еколошки и економски придобивки, вели градоначалникот на општина Нваци Љубе Кузманоски.
-Општина Новаци во делот на овај проект ја има набавено потребната механизација за собирање на биомасата од каналите и речните корита и каналите, остана да се набави уште котелот со која што ќе ја загреваме градинката, Амбулантата и горниот кат од Младинскиот културен центар. Со ова сакаме да покажиме дека не само дрвото, јагленот и нафтата е годиво за загревање, туку и биомасата која ќе ја собираме ќе ја сушиме и ќе ја балираме ќе ја користиме како гориво за загревање на градинката и со тоа сакаме да покажиме дека постојат и други алтернативни извори на загревање кои што не ја загадуваат животната средина, рече Љубе Кузмановски градоначалник на Новаци.
Општина Новаци досега има искористено три проекти за прекугранична соработка од ЕУ Фондовите. Досега има успешно имплементирано три проекти а ова е четврт проект. Вкупната сума на буџетот за сите четири проекти е 1 милион и 800 илјади евра. Од општина Новаци велат дека поголемиот дел од механизацијата потребна за чистење и сечење на нискостеблестата вегатација од речните корита ја набавиле од компанијата Евростил од Битола.
Партнерите од Грција велат дека се споделуваат искуствата од проектот а бенифитот бил голем за сите.
-Процесот на карбонизација е многу жешка тема во Европа а особено во Грција, па до 2028 година сите фабрики за олово мора да се затворат во Грција. Затоа мора да најдеме решение и сметаме дека биоенергијата е дел од тоа решение. Создавањето на биоенергијата е со употреба на биомаса и локални компании и затоа создавањето на кластер е битно и тука сме денес тоа да го елаборираме. Затоа денес сме тука да му помогнеме на градоначалникот и на сите други компании да можат да го направат овај кластер во регионот. Кластерот веќе постои во Грција, целта ние е да се направи кластер во регионот, а потоа ќе се потпише меѓусебен меморандум за соработка на овие кластери за да можат да ја засилат фазата за идна соработка, рече Јанис Фалас директор на Кластерот од Република Грција .
На денешната работилница беа презентирани можности за формирање на кластер во Пелагонискиот регион.
– Од извршените статистички истражувања може да се заклучи дека постои значителен потенцијал на биомаса од растително и животинско потекло која се генерира на малите земјоделски стопанства и на индустриските капацитети во овај регион. Позитивните искуства од формираните биокластери во земјите членки во ЕУ се појдовна основа за вклучување на сите чинители во насока на формирање на биокластер во Пелагонискиот регион,рече Борче МИтревски од Центарот за енергетска ефикасност.
Проектот започна во 2018 година, а треба да заврши до крајот на мај наредната година.
извор: ТВ Тера
