Иако голем верски паразник, а денот врнежлив сепак петок е, а тоа за битолчани значи пазарен ден.
Пазарот богат и раскошен пазарџиите разработени, разговараат со нас, но не престануваат да го редат и да го дотеруваат зеленчукот и овошјето што го нудат. Понудата е голема, има речиси се што човек ќе посака. Цените просечни , воглавно задоволни и продавачите и купувачите.
-Добро е , задоволни сме, особено од прометот во пазарен ден. Имаме муштерии и од соседна Грција, на Леринчани Битола им е блиску и тие обавезно доаѓаат кога е пазарен ден и купуваат. За нив, цените на производи се многу пониски кај нас за разлика од кај нив – раскажуваат пазарџиите.
Цените на производите се различни, се разбира она поквалитетното е поскапо но рзликата не е голема.
Така пример зелката е 15 денари за килограм, доматите 50 -60 денари зависо од сортата, а пиперките по 50 денари за килограм, додека едно парче модар патлиџан се продавва за 15 денари.
Моркови, праз и брокула, сите со иста цена, по 40 денари за килограм, спанаќот е 50 денари, парче зелена салата е 25 денари, а килограм јаболка за 25 денари килограм. Секако тука се , јужното ,овошје , маслинки и тн.
Младиот брачен пар Маја и Томче Мурговски секој ден своите производи ги носат на битолскиот пазар. Веке 10 години се занимаваат со производство на градинарски производи. Нивната тезга редовно е полна со свеж и квалитетен зеленчук.
Имаме околу 16 декари земја во сопственост на родителите на Томче. Дел од неа обработуваме, а имаме и пластеници – насмеана и љубезна ни раскажува Маја. Тешка е оваа работа , да произведуваш и да продаваш но тоа е, сме се навикнале. Добро живееме, фала му на бога, заработуваме за еден пристоен живот.
И нејзиниот сопруг се придружи на муабетот, вели уште годинава вака, а од другата годинина планираат да се прошират.
-Планираме да ја насадиме целата земја што ја имаме, да побараме помош од државата, да произведеме повеќе, но да сме прво живи и здрави, после сеќе биде, вели Томче со нескриена гордост за неговото производство.
