Потребата за намалена комуникација меѓу луѓето претставува многу важно прашање за земјоделците кои работат на мали фарми и тоа претежно рачно.
Кинеските производители на дронови кои се користат во агросекторот регистрираат раст на побарувачката во услови на ширење на вирусот COVID-19, а за тоа придонесува и фактот што Светската здравствена организација прогласи пандемија.
Во првите два месеци од 2020 година продадени се 4.000 беспилотни летала, вели Џастин Гонг, кој е ко-основач на фабрика, која произведува беспилотни летала за земјоделскиот сектор. Големите фарми, локалните власти и земјоделските дистрибутери купуваат високо-технолошка опрема, а на тоа се принудени поради ширењето на корона вирусот.
Борбата со вирусот главно се одвива преку ограничување на контактите со други луѓе. Потребата за намалена комуникација меѓу луѓето претставува проблем за милиони Кинези ширум светот бидејќи сè уште работат на мали фарми. Повеќе од 3.000 луѓе починаа во Кина и тоа од крајот на декември , поради вирусот COVID-19 а десетици илјади се заразени. И додека болеста погоди многу индустрии во во овој дел од светот, производителите на беспилотни летала остваруваат добивка. Компанијата на Гонг не е единствената што доживеа позитивен раст во однос на продажбата.
Главниот извршен директор на друга компанија која исто така тргува дронови што се користат во агросекторот најави зголемување на профитот минимум 4-пати.
„ Во последно време примаме се повеќе и повеќе нарачки за земјоделски беспилотни летала и беспилотни возила“, вели тој.
Интересот за земјоделската технологија е голем, иако кинеската влада ги засили напорите во последните неколку години за да ја намали зависноста на земјата од увозот на храна од САД и други земји. Кинеското Министерство за земјоделство проценува дека над 30.000 беспилотни летала ќе полетаат над нивите за заштита на растенијата оваа пролет.
Според статистичките податоци, технолошкиот земјоделски пазар со седиште во Кина ќе порасне од 13,7 милијарди американски долари во 2015 година на 26,8 милијарди американски долари во 2020 година.
Земјоделците се консолидираат во набавката на агро дронови
Големата распространетост на технологијата во кинеските фарми е последица на демографската состојба. 300 милиони луѓе во руралните области стареат брзо додека многу млади се селат градовите. Како резултат на тоа, се помалку и помалку способни луѓе остануваат да работат на фармите. Кинескиот претседател Си Џинпинг започна стратегија за „рурална ревитализација“ уште во 2017 година. Таа е дел од 5-годишниот план.
Доколку корона вирусот ги уништи малите бизниси во Кина, вклучувајќи ги и земјоделските фарми, аналитичарите очекуваат поголема консолидација. Потребно е да се зголеми продажбата на земјоделски машини, вклучувајќи и дронови. Главен фактор во растот на интересот за паметни земјоделски машини е фактот дека нивната набавка е вклучена во списокот на производи кои државата ги субвенционира.
Извор:Агробг
