Задругата обединува 40 производители на млеко и сирење. Тие го произведуваат најпродаваното сирење во светот и го делат профитот.
Италија е една од земјите со најразвиени и организирани задруги во светот. Една од нив е задругата “Parco Murgia latte” од Ceglia Messapica, недалеку од Бари, која обединува 40 задругари, производители на млеко и сирење. Го произведуваат и најбараното сирење во светот. Во земјата, која е најпозната по овоштарските задруги, посредниците во откупот на млеко се повеќе се исфрлаат, бидејќи производителите, и во оваа област на земјоделството, се вклучуваат во задруги кои откупуваат млеко и го доставуваат до преработувачите, вели Вито Латерза, директор на задругата.
Тие го произведуваат најпродаваното сирење во светот “Имаме и задруга која дистрибуира млеко. Наша цел е првенствено да го привлечеме вниманието на потрошувачите на квалитетот на млекото, негова промоција, како и валоризацијата на производите од областа на регионот Апулија која е посебна по составот на видовите на плевели.Поради нив, млекото има одличен квалитет, односно специфична маснотија, соматски клетки, протеини и бактерии”, вели Латерца.
Производителите ги почитуваат правилата, кравата може да пасе само на една ливада, на едно подрачје. Тие успеале, со помош на европските фондови, да го заштитат географското потекло на ова млеко и сирење, меѓу кои најпознато е Бурата, кое е исто така најбарано и најпродавано сирење во светот, на што се горди. Според него, многу производители имаат сопствена преработка. Во моментов во задругата има 40 членови, а пред десет години започнале со девет. Тие, исто така, добиваат техничка поддршка од задругата, како и размена на искуства и советодавни услуги во вид на прехрамбени и ветеринарни експерти кои се обезбедени од регионот Апулија. Го делат профитот Производителите имаат 10 проценти повисока куповна цена токму поради одличниот квалитет. Сè повеќе средства од европските фондови се користат за промовирање на извозот на сирење од регионот на Апулија во Европа, но исто така и на други континенти.
“Инаку, производителите имаат обврска да доставатнајмалку 50 проценти од нивното производство на задругата, а со останатото можат да прават што сакаат. Учеството во кооперативата се плаќа од 150 до 1.000 евра, а на крајот од годината профитот се дели. Она што е стимулирачко е фактот дека субвенциите што производителите ги добиваат од фондовите изнесуваат 50 до 80 проценти, без оглед на тоа дали се работи за набавка на трактори или изградба на објекти и магацини”, вели Латерца. Од 40 производители, четири влегле во систем за органско производство и во задругата очекуваат дека во наредните години сè повеќе земјоделци да се приклучат на овој систем, бидејќи куповната цена е повисока, како и продажната цена на сирењето.
