Иаkо можеби звучи чудно , методата за одгледување на домати свретни наопаку, ја практикуваат одгледувачите на зеленчук ширум светот. Доколку имате ограничен простор ова може да биде добра опција.
Одгледувањето на зеленчук наопаку , сигурно одстапува од конвенционалниот начин и иако изгледа чудно, ова го практикуваат многу градинари ширум светот.
Методот на одгледување „ напаку“ посебно е добар за одредени сорти на домати како што се шери домaтите. На овој начин можат да се одгледуваат краставици и пиперки посебно чили. Доколку имате ограничен простор за градинарство или пак доколку воопшто немaте простор , ова може да биде добра опција. Саксиите или пак некои други садови секогаш можете да ги обесите на оградата , на терасата и сл.
Кај конвенционалното одгледување на домати освен простор треба да правите и додатни работи како што е врзувањето и сл. Во одгледувањео наопаку тоа не е потребно. Треба да се истакне и податокот дека значително се намалува бројот на штетници кои би ги нападнале растенијата како и гливичните болести.
Концептот е многу едноставен, а грижата за растенијата бара многу помалку време бидејќи нема потреба од поткопување. Единствено ќе морате почесто да ги наводнувате. Нема коров, подобра е циркулацијата на воздухот, што всушност е од витално значење за растението. Вака засадените растенија можете да ги преместувате по желба, а преку ноќ дури можете да ги ставите во затворен простор доколку се предвидуваат ниски температури.
При ваквиот начин на одгледување на зеленчук, могу е важно , садовите во кои ќе ги засадите растенијата морате правилно исигурно да ги прицврстиме. На растенијата да им обезбедиме доволно светлина и да ги заштитиме од ветер. Како што веќе спомнавме , тереба почесто да ги наводнувате.
Постојат повеќе начини за вакво одгледување и тоа со помош на метални кошници со кокосови влакна, готови вреќи, пластични садови , канти и сл.
Одгледување во метални кошници со кокосови влакна.
Користете саксија од околу 5 литра. Внимателно исечете отвор на дното со помош на остар нож или скалпер. Отворот би требло да биде со дијаметар околу 7 сантиметри. За подобра циркулација на воздухот на дното на саксијата можат да се направат околу 6 мали дупки.
Исечете парче мрежа која се става на прозорците за заштита од инсекти, преклопете ја и исечете ја во облик на буквата V. За оваа намена можете да користите и филтер за кафе. Мрежете залепете ја на дното од саксијата со изолир трака. Низ отворот и низ мрежата внимателно ставете го расадот, при тоа да се внимава да не се оштети коренот. Потоа исто како во предходниот случај ставете ја земјата. Вака саксијата обесете ја на место каде што има многу сонце и кое ќе има пристап.
Одгорната страна на саксијата дополнително можете да посеете зачински растенија како босилек, оригано и сл. Тоа ќе ја штити земјата од исушување, декоративно е и корисно.
За подобар принос можете да користите и прихрана, а штом ќе почната плодовите да зреат соберете ги за да го поттикнете созревањето на нови.
Извор: Агроклуб
