Во Шкотска наместо сезонски работници од Бугарија и Романија , овошјето ќе го берат студенти и оние работници кои добиле привремен отказ.
Студентите и отпуштените работници од угостителството ќе го спасуваат овоштарството во Шкотска. Кризата со работната сила, која би можела да заврши со пропаѓање на овогодинешниот род на јагодите, боровниците и малините, шкотските овоштари ја решија на многу интересен и корисен начин. Наместо сезонци од Бугарија и Романија, бербата на овошјето оваа година ќе ја завршат студенти и работници од рестораните и кафулуњата, кои добиле привремен отказ.
“Ова ми е голема надеж дека мојата работа и приносите нема да пропаднат. Има многу студенти на кој предавањета веќе им завршија и веќе се јавија за помош. Бербата на првите плодови треба да започне за околу две недели, а бербата на бобичестото овошје во оранжериите веќе е започната.“ изјави James Porter, еден од загрижените овоштари за guardian.
Исто така напомена дека ќе биде потребно одредено време за да се обучат работниците за оваа работа, како во полето така и со машините.
„Работниците мигранти оваа работа ја работат веќе 15 години. Обучени се и работата ја работеа многу брзо со голема леснотија, но се надевам дека и нашите студенти бргу ќе се прилагодат“.
Во случај состојбата со корона вирусот да се смири и кога животот ќе се врати во нормала, сите ангажирани работници ќе имаат право да се врата на старите работни места , а исто така и студентите на предавања.
Покрај производството на овошје , во Шкотска проблеми имаат и производителите на шпаргли и брокули.
