Ви го пренесуваме интервјуто со магистер по Педологија Јована Арсовска поранешна студентка – алумни на ФЗНХ. Јована ни сподели како се одлучила да се запише на Факултето за земјоделски науки и храна- Скопје и можностите и кариерата по завршување на факултетот, објавено на страната на ФЗНХ.
Причина повеќе за да се запишете на Факултетот за земјоделски науки и храна- Скопје!
Што за вас значеше уписот на ФЗНХ? Имавте ли сон?
Студирањето на ФЗНХ беше клучно искуство за мене. Првично не без запознаена со студиските програми на овој факултет, но ме привлече интересната насока за студирање – квалитет и безбедност на храна. Иако конкретно не сонував да студирам овде, се стремев да се запишам на факултет што нуди академско знаење и практично искуство. ФЗНХ ги надмина моите очекувања, обликувајќи ја мојата кариера и академски раст на начини што не ги очекував.
Омилен предмет од вашите студии?
Сите предмети ми беа омилени на Факултетот за земјоделски науки и храна-Скопје.
Кога ги завршивте додипломските студии и почнавте со работа не застанавте со учење, повторно изборот за мастер студии ви беше ФЗНХ? Вашите искуства на овие студии?
Дипломирав во 2017 година и се вработив за два неполни месеци. Откако се стекнав работно искуство, решив да го продолжам моето образование и започнав со магистерски студии во 2021 година. Моите магистерски студии значително ги подобрија моите практични вештини и го продлабочија моето знаење. Генерално, моето академско образование ми обезбеди висок професионален и личен развој.
Вашата работа бара посветеност, но ви отвори можности за многу патувања. Каде сте патувале и какво е искуството да размените различни искуства со агрономите во светот?
Имав можност да посетам повеќе Европски земји и да присуствувам на многу саеми. Секое патување е различно и носи нови искуства. Споделувањето на знаење и стратегии со агрономи од различни региони е навистина интересно, ја проширува мојата перспектива.
Кои совети би им ги дале на студентите кои сега се запишуваат на ФЗНХ?
Би ги советувала да останат упорни и издржливи и да ги прифатат предизвиците како можност за личен раст. Да имаат на ум дека земјоделството останува основно за нашиот опстанок – водата и храната се секогаш неопходни. Посветеноста и упорноста што ќе ја вложат сега ќе се исплати на различни начини што ќе доведе до лично исполнување и до значаен придонес во областа.
Запишете се на Факултетот за земјоделски науки и храна – Скопје и бидете дел од нашата мисија.
Избери го патот кон успехот со нас!
За повеќе информации за условите за аплицирање и нашите студиски програми, посетете го нашиот веб-сајт или контактирајте не директно.
