Полската компанија HiProMine од Робаков во близина на Познањ одгледува протеин за добиточна храна на база на инсекти во индустриски размери користејќи црна војничка мува. Ова ќе биде најголемата „фарма“ за инсекти во Европа.
Системот за одгледување го креирала германската компанија WEDA Dammann & Westerkamp GmbH, а фабриката секојдневно ќе произведува и храни 550 тони супстрат. Оваа технологија создава синџир на исхрана во кој инсектот формира мост помеѓу растителниот отпад и одржливата храна.
Да се нахрани растечката светска популација
Имено, инсектите се единствениот извор на протеини за кои суровината може да се користи сто проценти во споредба со другата добиточна храна. Во текот на својот живот, ларвите на црната војничка мува Hermetia illucens се хранат исклучиво со органски отпад. Мувите имаат брз развој, а ларвите се одгледуваат многу кратко време, само седум дена.
Се предвидува дека употребата на овој вид во иднина ќе даде важен придонес во исхраната на растечката светска популација на начин кој штеди ресурси.
Од компанијата WEDA напоменуваат дека овој начин на одгледување не создава отпад и не содржи проблематични материи. „Крајните производи се без антибиотици и без генетски модифицирани организми“, рече менаџерот на производи на WEDA, Јенс Фелдхаус.
Еколошки извор на протеини кој е евтин и богат со хранливи материи
Инсектите имаат потенцијал да станат евтин, богат со хранливи материи и еколошки извор на протеини за целата добиточна храна доколку технологијата се прошири низ светот. Добиточната храна базирана на инсекти веќе е одобрена за домашните животни, живината, свињите и аквакултурата.
Сличното, но во помала мера, го правеле во Кенија во 2020 година, а војничките муви ги хранеле со отпад од продавници и пазари.
Инсектите не се наменети само за хранење на добитокот. Исушените жолти црви се на пазарот во ЕУ од минатата година, откако 27 земји членки дадоа зелено светло на предлогот ларвите на инсектот Tenebrio molitor да се продаваат како нова храна.
