На денешната прес конференција, министерот за земјоделство, шумарство и водостопанство, Трајан Димковски одговараше на новинарски прашања на актуелни теми во земјоделското производство.
Едно од новинарските прашања се однесуваше на откупот на зелка и проблемите кои ги имаат земјоделците со откупувачите кои не ја почитуваат договорената цена од 15 денари.
-Состојбата околу пласманот на зелка ја следевме од самиот почеток и одржавме состанок на барање на трговците каде што се разговараше да се задржи цената. Но овде на површина излезе еден проблем кој со години се провлекува и во иднина мора да биде реорганизиран целиот овој откуп и ниската цена кон странските купувачи доведе до овој проблем. Порака до откупувачите уште утре на своите странски купувачи да им понудат повисока цена бидејќи цената на зелката на странските пазари не е намалена. А исто така ќе мора да се направат и одредени законски измени затоа што ваквата состојба не смее да продолжи – изјави Димковски.
Новинарите се интересираа и за актуелниот откуп на јагне и на новите мерки на Владата за зголемување на субвенцијата како мерка за намалениот откуп годинава.
Колку јагне се извезе и колку ни остана и дали ќе има доплата во разликата, затоа што мерката за оставено женско јагне значи пари догодина , а сточарите се сега во криза?
-Последните податоци велат дека годинава се откупени некаде над 100 000 јагниња, што значи дека во споредба со минатите години откупот е намелен , но мерката што ја договоривме уште на почетокот на сезоната уште кога се наговестуваа ови проблеми поддршката за женско јагне и зголемента вкупна сума да биде 2 500 денари дава резултати. Според разговорите со откупувачите моментално на пазарот се останати некаде околу 10 000 јагниња што можат да се откупат – рече Димковски и додаде дека очекуваат за разлика од предходните години, годинава да бидат оставени околу 60 000 женски јагниња повеќе , односно вкупно годинава да бидат оставени околу 160 000 за репродукција.
Производителите на јагнешко бараат властите да се договорат со кланиците како би можеле да добијат поголема откупна цена за јагнињата. Кој е ставот на МЗШВ?
-Договорената цена меѓу сточарите и кланиците е сепак еден договор помеѓу два ентитета и јас секогаш зборувам дека ние сме отворени за соработка во овој дел но цената ја постигнуваа договорните страни. Ние како министерство преку здруженијата на одгледувачите на овци сме во контакт со сточарите, ја следиме ситуацијата и примената на мерките и на крај дали мерката ги дава очекуваните резултати – одговори Димковски.
Рековте се дека се бараат алтернативни пазари за јагнето , ги спомнавте Иран и Јордан , можете ли да кажете колку количини се се извезени дали има некои проценки , колку од јагнето е останато и дали е проектирана некоја сума за обештетување на сточарите.
-Планот со Јордан не е реализиран но морам да кажам дека земјоделците, поради новата мерка за оставено женско јагне се одлучија еден добар дел 60 000 јагниа да ги остават и да не ги понудат на пазарот. Па според тоа вклучувајќи ја и ваквата поддршка од буџетот ќе се издвојат околу 8 милиони евра. Ова се некои максимални бројки но за многу бргу ќе ги знаеме и точните бројки. Извозниците се одлучија да ги задоволат потребите на традиционалните пазари, а тоа се Италија , Србија , Грција. Иако се појави еден проблем со Бугарија со воведувањето нецарински тарифни бариери сметам дека во моменто на пазарот има околу 10 000 јагниња кои се очекува да бидат откупени до крајот на месецот – рече Димковски на денешната прес конференција во Владата на РСМ.
