Платформата seljak.me е првото дигитално село кое на просторот на Црна Гора успеа да ги поврзе купувачите и продавачите на земјоделски производи и кое воведе сензор за отелување и паметна огрлица. Оваа платформа сега отиде чекор понапред и организираше купопродажба на крави со помош на биткоини.
„Биткоинот е криптовалута чии потенцијали ќе се покажат во блиска иднина, а засега можеме да кажеме дека сме први во Црна Гора, ако не и пошироко, кои успеавме да организираме ваков начин на купопродажба на животни. Првата крава купена со помош на биткоини, симболично се нарекува Биткоинка, платена е во износ од околу 0,03 биткоини, што изнесува околу 1350 евра.
Според зборовите на Анџела Бојиќ, сега веќе сопственичка на Биткоинка, причините за ваквиот потег лежат во комбинацијата на земјоделството и современите технологии.
„Во договор со мојот колега Марко, кравата беше платена со биткоини. Кога му реков дека моите родители имаат план да купат крава, тој ми предложи да направиме нешто иновативно и тоа да биде прва крава платена со криптовалута во Црна Гора и можеби и пошироко. Верувам дека иднината на земјоделството лежи во здрава комбинација на земјоделство и технологија, а само модернизацијата на земјоделството ги зголемува шансите за охрабрување на помладите со нашето искуство, а се надевам дека земјоделците ќе се угледаат и ќе почнат да користат некои современи методи во земјоделството и да го користат овој начин на плаќање“, рече Бојиќ за seljak.me.
