Agrotim

  • Дома
  • Агровести
  • Пазари
  • Субвенции
  • Фондови
  • Механизација
  • Рурален Развој

Бабовски: Искористени максимално средствата од ИПАРД програмата


Оваа година е историска за искористување на средствата од ИПАРД програмата, со што државата првпат не плаќа пенали за неискористување на овие европски средства.

Ова го соопшти директорот на Агенцијата за финансиска поддршка на земјоделството, Николче Бабовски, кој заедно со градоначалникот на Општина Штип, Благој Бочварски изврша увид во изградбата на новите улици во селото Караорман.

-Ова е прва година, кога парите не се враќаат неискористени назад во Европа, туку сите ги искористивме, максимално, историски момент, рече Бабовски.

Оценува дека и во делот на искористување на средствата од националната програма имаат реализација од 100 отсто, а како што рече Бабовски, со ова максимално се трудат средствата да ги вратат кај граѓаните.

Во изминатиот период, како што рече, се инвестира во патна инфраструктура, пристап до земјоделски површини, нови водоводи и канализации во руралните средини се со цел населението да остане и да работи во својата земја.

Според него задоволство е на терен да се види успешно реализиран проект, а во интерес на жителите во руралните средини.

-Со Програмата за рурален развој ќе се гради и локалниот пат до селото Почивало. Тоа е во вредност од 19,9 милиони денари. Само преку добро инфраструктурно поврзување на населените места можеме да обезбедиме непречен развој и на добра и на луѓе, да го скратиме нивниот пат до населените места, до Штип, а преку регионалниот пат и до другите општини во овој регион. На тој начин и како Влада и како Агенција се трудиме да обезбедиме рамномерен регионален развој и пристојни услови за живот на сите граѓани, вели Бабовски.

Градоначалникот на Општина Штип, Бочварски истакна дека и проектот за изградба на новите улици во селото Караорман се реализираше со помош на Платежната агенција.

-Се работи за финансиска поддршка во висина од 3,2 милиони денари, додека кофинансирањето на Општината е околу 2,6 милиони денари. Што значи реализиравме еден сериозен проект, од речиси 100.000 евра, што е значаен за граѓаните, бидејќи овде досега луѓето газеа во кал, рече Бочварски.

MИА

Дек 26, 2019agrotim1
Нов јавен повик на ФИТР „Стартапувај 2“ – зголемен буџет од 1,5 милиони евра за стартап компанииОд ИПАРД 2 утре ќе биде објавен повик за нови 13,3 милиони евра

Напишете коментар Откажи одговор

26/12/2019 Агровестибабовски, бочварски, Ипард, платежна агенција, прокет190

Соработка

Агротим е секогаш отворен за соработка со фирми или поединици. Повеќе информации за Агротим:

Phone: + (389) 71 225-345

Email: [email protected]

Изработка на апликации за ИПАРД и ФИТР

За информации и изработка на апликации за јавните повици на ИПАРД и Фонд за иновации и технолошки развој:

Phone: 071 285 385

Email: [email protected]

Страници

Агенција за финансиска поддршка во земјоделството и руралниот развој


Агенција за храна и ветеринарство


Регистри на државно земјиште


Електронско наддавање


ИПАРД


Државен инспекторат за земјоделство


Агенција за поттикнување на развојот на земјоделството


Консолидација на земјоделско земјиште


Македонски почвен информативен систем (МАСИС)


Кампања на ЕФСА „Стоп за африканската свинска чума“


МЗШВ закони


Накратко за нас

Агротим.мк е специјализирана платформа за информации од агрокомплексот и агроберза.

Агротим.мк функционира како сервис на земјоделците и претставува систем кој ги интегрира сите чинители во овој сектор – Земјоделските примарни производители, преработувачите, откупувачите, трговците и Владата преку доближување на мерките кои се во интерес на профитабилен агробизнис.

Голем дел од нашиот ангажман го посветуваме на едукација на земјоделците преку директни контакти и средби, а со цел приближување на европските стандарди за конкурентно и профитабилно земјоделство.

Страници
  • За нас
  • Импресум
  • Маркетинг
  • Услови за користење
  • Контакт

Сите права се задржани © АГРОТИМ МК - 2019