Аеропоника е процес на одгледување на растенија во воздушна средина без почва или други хранливи материи. Индиски истражувачи одлучиле да ја применат оваа технологија кај популарните зеленчуци како што е на пример компирот.
Така, со оваа технологија, почвата и другите хранливи материи веќе не се потребни за одгледување компири, велат експертите од Техничкиот центар за компири во Шамгарх, Карнал. Со помош на Централниот институт за компир во Индија, до септември треба да започнат проект за аеропонични компири. Буџетот за таа намена веќе е одобрен.
„Ќе создадеме три гранки за аеропоника кај компирите и тоа: за за производство на семе, за одгледување на сорти што зреат рано и сорти отпорни на климатските промени. Исто така, потпишавме Меморандум за соработка со Меѓународниот центар за компири (ЦИП), Перу, за да помогнеме во спроведувањето на проектот и да обезбедиме нови модерни сорти на компири отпорни на топлина, и сорти кои рано ќе созреваат “, рече др. Сатиендер Јадав, заменик директор на Центарот за технологија на компири.
Д-р П.К. Мехта, кој работи како постар консултант во Центарот, изјавил: „Индија е втор по големина производител на компири во светот. Произведува околу 46,4 милиони тони компири, што е трета по важност храна во земјата после оризот и пченицата. Во моментов, потрошувачката на компири по глава на жител во земјата е околу 34 кг. годишно. Во иднина, побарувачката за компири веројатно ќе се зголеми и земјата ќе мора да произведе 125 милиони тони до 2050 година за да се задоволи побарувачката.”
Новото аеропониско семе ќе им обезбеди на производителите на компири, да одгледуваат сорти со висок принос.
Што се однесува до земјоделската технологија, растенијата ќе бидат опкружени со воздухот во темна стаклена градина, а нивните корени ќе бидат збогатени со корисни микроорганизми.
Снабдувањето на коренот со хранливи материи ќе биде преку посебни системи под притисок.
„Без присуство на почва, не постои закана од болести кои се пренесуваат преку почвата. Овој метод исто така ќе помогне да се заштедат околу 30-40 проценти хранливи материи и ѓубрива во споредба со вообичаениот метод. Користејќи го традиционалниот метод, родот го добиваме за три месеци, но со користење на оваа техника, културата може да се додаде за 180 дена“, велат индиски научници.
Извор: Агросавјет
