Доколку плодовите на лимонот се со добра големина, но сеуште се зелени тоа може да биде последица на низа фактори кои делуваат на нивниот раст, развој и зрелост.
Цитрусните стебла па и лимонот бараат повеќе одржување од другите овошја, но доколку сакате да одгледувате плодови во своето опкружување тогаш тоа е вредно да се потрудите. Треба да се напомене дека лимонот добива плодови дури три до четири години после садење, па важно е да се има трпение. Подоцна дрвото раѓа еднаш до два пати годишно особено кога климата му одговара.
Најдобри плодови растат од пролетното цветање, а тоа трае два месеца. Зрелите плодови мoжат да се берат скоро цела зима, од ноември па се до април или мај. Второто цветање настапува исклучиво во погодни услови и започнува во август, а трае до крајот на септември. Плодовите можат да се берат во мај, веднаш после последната берба на зимските плодови.
Меѓутоа, доколку плодовите лимон се со добра големина, а сеуште се зелени и не созреваат на време, тоа може да биде последица на низа фактори.
Зреењето може да трае и до девет месеци
Една од причините е дека плодовите можеби сеуште не се зрели па во тој случај ќе мора да бидете трпеливи и да почекате. Зреењето зависи од климата и условите, а може да трае до девет месеци но и подолго. Важно е да во текот на таа фаза на стеблото да му овозможите доволно вода и хранливи материи.
Како останатите цитруси и на лимоните им њ потребна редовна влага за одржување и здраво растење, за создавање на сочен плод. Како расте стеблото така расте и неговата потреба за вода се препорачува да се залева со дождовница. Сушата и топлината, или недостаток на простор поради малата саксија во која расте, се исто така, некои од причините зошто е плодот зелен.
Важна е староста и здравјето на стеблото
Стеблото на лимонот е првенствено насочено на растот на коренот и тоа му е приоритет, така да повеќе енергија се насочува токму на тоа како и на растот на лисјата. Тоа може да доведе до голем напор но и до тоа една до две години да нема плод, особено ако им недостигаат хранливи состојки.
Познато е дека лимонот има големи барања за хранливост. Потребно му е сезонска прихрана така да ѓубривата се додаваат во земјата или на супстратот во саксијата за да им се овозможи здраво и силно растење. Блага и кисела pH реакција на земјиштето и органски материи кои бавно ослободуваат азот ќе помогнат во одржување на нормалниот раст на лимонот.
Недостаток на топлина и сончева светлост
Зреењето може да го забави студеното и облачно време со малку сонце, но и премногу топлина. Доколку стеблото се наоѓа во саксија можете да го преместите на сончево и потопло место кое воедно ќе влијае и на приносот.
Ако е стеблото засадено во земја треба да се искрои поради подобро проветрување и продор на повеќе светлина. Исто така можат и некои соседни растенија да му ја одземат светлината, па треба и на тоа да се обрне внимание.
Количина на плодови
Колку долго треба да созрева плодот на лимон зависи од сортата како и подлогата на одгледување. Постојат поголеми и помали сорти, а кај помалите созревањето на плодовите е побрзо. Количината на плодови на стеблото исто така влијае на брзина на созревањето. Стеблото со голема количина на плодови, лисја и слично мора да овозможи хранливи материи на повеќе места а тоа има поголема побарувачка на вода па доколку не му се овозможи доволна количина тоа може да го забави зреењето што ќе резултира со помали плодови.
Извор: Агроклуб.рс
