Официјално започнувајќи со работа претходниот месец, новата опсерваторија за пазарот за овошје и зеленчук ќе овозможи повисоко ниво на транспарентност и краткорочни анализи за еден од клучните сектори на европското земјоделство со застапеност од 24% од вкупното земјоделско производство на ЕУ.
Пазарната опсерваторија ќе биде редовно ажурирана со широк спектар на податоци за пазарот како цени, производство и трговија. Овие податоци ќе бидат проследени со анализа на пазарот, краткорочни извештаи, предвидувања за развој на среден рок и редовни состаноци на бордот составен од експерти за пазарот.
Опсерваторијата се фокусира на јаболка, круши, јужно овошје, коскесто овошје и домати.
Претходно се отворени опсерваториите за житарки, шеќер, месо и млеко, а на 4 ноември започнува со работа и опсерваторија за винскиот пазар. Целта на овие опсерватории е помагање на европскиот земјоделски сектор во справувањето со пазарната нестабилност и овозможување повисок степен на транспарентност.
