Набрзо ќе дојде пролет и времето кога треба да се засадат дрвенести и жбунести растенија во градината. Бидејќи тоа се повеќегодишни растенија кои ќе бидат на истото место повеќе години, треба да се посвети повеќе внимание околу нивниот избор и засадувањето.
Декоративните дрвја и грмушки се повеќегодишни растенија кои остануваат на истото место долги години, затоа мора да им посветиме посебно внимание при садењето во нашата градина. Тие всушност ја даваат структурата на градината, обезбедуваат сенка и доаѓаат до израз со нивните контури, бои, текстури на кората, лисјата и цветовите односно го исполнуваат целиот просторот во неа. Исто така произведуваат кислород, го намалуваат загадувањето и ерозијата на почвата.
При изборот најважна е крајната висина на дрвото.
Пред да ги избереме дрвјата или грмушките што ќе ги засадиме, треба да ги проучиме нивните карактеристики. Една од најважните елементи е крајната висина на дрвото и колку време е потребно за да се достигне. Бидејќи некои видови растат бавно и на почетокот може многу добро да се вклопат во малата градина, но како што напредуваат со текот на времето тие можат да ја блокираат светлината, па дури и да ги оштетат темелите на домот.
Многу видови дрвја ја достигнуваат својата крајна големина и убавина по 15 до 20 години, па поради тоа грешките често се забележуваат кога растението ќе го достигне својот максимум, а потоа мора да се отстрануваат.
Постојат различни видови дрвја, и секој вид е посебен по својата специфичност и привлечност. Во зависност од видот на дрвјата и локацијата во градината, постојат многубројни начини за нивно одгледување. Значи, дрвјата можат да се одгледуваат како дрворед, неформално или индивидуално.
Садењето мора да биде планирано однапред, а пред секое садење мора да имаме во предвид дека дрвјата и грмушките што ги засадуваме повеќе не се пресадуваат. Неопходно е да се испита кое место во градината им одговара, а генерално, украсните дрвја не ја толерираат сенката на другите растенија, така што првиот чекор е да барате широки и светли места.
Почва и садење
Растенијата не треба да бидат засадени во влажна почва, т.е. почвата треба да биде сува до влажна, а структурата да биде рофита. Пред да се започне со садење, почвата треба да се прекопа, а тоа најдобро се прави кон крајот на есента. Глинените почви се слабо дренирани и задржуваат премногу вода и не се доволно воздушести, па таквата почва треба да се подобри. Треба да се ископа доволно голема дупка, а дното и sидовите на дупката не треба да се набиваат со што ќе се придонесе да при обилните дождови водата да не се собира и да предизвикува гниење на коренот.
Кај поголемите дрвја откако ќе се посадат, се ставаат колци како потпори.
Исто така, ако не сте сигурни каде да засадите дрво, можете да го одгледувате и во саксија, што е пожелно за оние видови на украсни дрвја кои не поднесуваат зима, така полесно можат да се заштитат.
Прихранување
Ако сакате да ја прихраните почвата пред садењето, или ако квалитетот на почвата во која го засадувате растението е слаб, ископаната почва измешајте ја со супстрат или компост. Свежото шталско ѓубриво или органското ѓубриво не треба да доаѓа во директен контакт со корените, а околу засаденатите растенија ,може да се постави слој од трева.
Вообичаени видови растенија за садење во градините
Јапонски јавор (Acer palmatum) – Не зафаќа многу простор, неговите лисја изгледаат привлечно за време на есента. Се одгледува на заштитено и сончево место и му одговара малку кисела и влажна почва.
Магнолија – Позната е по своите големи и миризливи цветови со бели или розеви нијанси. Магноијата е растение кое бара сонце или светла сенка, а најдобро е ако се засади на места заштитени од силен ветер и мраз. Магноиите се многу погодни како единечни дрвја на тревникот и се засадуваат во април.
Јапонска цреша – Помало украсно дрво кое расте во просек помеѓу 8 и 12 метри, се сади во рана пролет или есен на сончеви места, и сака кисела почва со pH помеѓу 4,7 и 7,5.
Јасмин – Сака сончеви и сеновити места, расте до 5 метри височина, со опсег на крошната од околу 2 m. Има интензивен мирис и цветовите се со бела боја, а пролетта е совршено време за садење.
Јоргован – Сака многу сонце, но исто така толерира мала сенка и напредува на хумус и малку варовничка почва. Најдоброто време за садење е во пролет или есен со растојание од 1,5 до 4,5 метри, во зависност од видот.
Див костен – Плодна, добро исцедена и умерено влажна почва со малку кисела или неутрална pH вредност е погодна за садење и одгледување. Се размножува со семе кое, ако се сее во пролет, ќе из’рти за три до четири недели. Може да се размножува од младите растенија што понекогаш можат да изникнат покрај дрвјата кои се пресадуваат на саканата локација или да се купат садници.
Извор: Агроклуб.рс
