Според ажурираниот статус на одобрување на активните супстанции што се користат за заштита на растенијата во Европската Унија, изопиразамот се повлекува од пазарот. Најголем пазар за оваа супстанција е Европа, а Германија е земја во која производот најмногу се користи.
Европската комисија одлучи да го повлече одобрението, во согласност со Регулативата објавена на 18 мај 2022 година. Таа го класифицирала како канцероген и токсичен за репродукција. Повлекувањето на одобрението во ЕУ може да има значително влијание врз глобалната продажба на изопираземот.
Со оваа забрана се опфатени сите средства што го содржат: фунгициди за житарки, зимска маслодајна репка, како и производи за заштита на овошјето и зеленчукот од габични заболувања. Се користи за сузбивање на прашкаста мувла, кафеава пегавост на листот и овошна краста на овошките, склеротини на житарки и слични болести.
Земјите членки ќе ги повлечат лиценците за производите за заштита на растенијата што ја содржат оваа активна супстанција до 8 септември 2022 година, а скратениот рок на употреба што го доделуваат во согласност со Регулативата е определен до 8 декември 2022 година.
