Протест на кванташки пазар во Скопје.
До министерството за внатрешни работи закажан е протест на ден 06.12.2022 година.
Целта на јавниот собир е да се изрази јавното незадоволство на лицата закупци на Кванташкиот пазар од незаконското и своеволно однесување и постапување на раководните лица на кванташкиот пазар.
Ова незадоволство закупците на кванташкиот пазар во Скопје го изразуваат поради се почестите и се поголемите зголемувања на трошоци што се однесуваат на закупнината и особено за паркирање на возила во кванташкиот пазар.
Во минатото огромен беше и бројот на Земјоделците што сами си ги носеа своите земјоделски производи и директно си ги продаваа на купувачите на кванташкиот пазар во Скопје.
Протест на кванташки
Заради зголемените трошоци за паркирање на возило значајно е намален бројот на овие Земјоделци кои сами си продаваат а луѓето што се движат на овој пазар изјавуваат дека повеќе и никој не доаѓа од нив бидејќи не им се исплаќа да возат на пример од Валандово или од Ресен и неколку дена да плаќаат паркинг за камион или комбе во кванташкиот пазар.
Закупците на простор во кванташкиот пазар се жалат и на ужасните услови што владеат на пазарот и дека сопственикот не инвестирал во инфраструктурата на пазарот.
Исто ја истакнуваат и нелојалната конкуренција од трговците кои што продаваат од паркираните камиони низ улиците на главниот град.
Да се надеваме дека во иднина закупците на простор во овој пазар, заедно со Земјоделците кои што сакаат да продаваат на овој пазар ќе најдат заеднички јазик со лицата управители на овој значен пазар во Скопје.
