За квалитетен род на морковот му се потребни доволно хранливи состојки во почвата, за да има хармоничен раст во текот на вегетацијата.
На пример, морковот со род од 30 т/ха зема од почвата: азот 90 кг, фосфор 80 кг, калиум 120 кг, магнезиум 50 кг. Според тоа, почвата за производство на морков треба да се ѓубри со поголеми количини ѓубре (30% поголеми) отколку што морковот кај наведениот род впил од почвата. Меѓутоа, најдобар начин за одредување на количината на ѓубриво се базира на хемиска и педолошка анализа на почвата, за да се утврдат количините на залиха.
Тоа е потребно и поради фактот дека морковот е „алчен“ по азот, што не е добро бидејќи тогаш насобира поголеми количини штетен нитрат во задебелениот корен. Односот кон фосфорот и калиумот не е ист како односот на морковот кон азотот. Фосфор и калиум, и морковот како и сите видови зеленчук, зема колку што му е потребно за изградба на сите органи на растението.
Со основна обработка во почвата се внесува половина од основното ѓубриво, потоа 1/3 се додава во почвата во подготовка за сеидба, а остатокот на растенијата им се додава во форма на прихрана, што првенствено се однесува на азотните ѓубрива и тоа до моментот кога листовите на розетата уште не ги затвориле редовите. Прихранувањето на морковот само со азотни ѓубрива не е добро бидејќи лошо влијае на коренот. Паралелно со заштитата на морковот од штетници може да се изврши лисно фолијарно прихранување со комплексни течни ѓубрива.
