Во просториите на Факултетот за земјоделски науки и храна – Скопје, под мотото „Запознај го својот иден вработен/работодавец!“ се одржува настанот „Денови на кариера“, поддржан од Програмата за зголемување на пазарната вработливост (ИМЕ), финансирана од Швајцарската агенција за развој и соработка.
Денес се одржува главниот од четирите последователни настани, под мотото „Запознај го својот иден вработен/работодавец!“, кој има за цел согледување на потребите на пазарот на трудот и можностите за прилагодување на студиските програми, практиканството и можностите за вработување, а се состои од два дела:
-ПЛЕНАРНА СЕДНИЦА
-САЕМ НА КАРИЕРА И ПАНЕЛ ДИСКУСИЈА
Очекувано, интересот за настанот е голем, со оглед на тоа што свое обраќање имаат клучните актери за иницирање, поддршка и спроведување на политиките за современо образование и кариерен развој, како и развојот на земјоделско-прехранбениот сектор.
Воведни обраќања имаат: Проректор за меѓународна соработка при Универзитет „Св. Кирил и Методиј“ во Скопје, Проф. д-р Ордан Чукалиев, Декан на Факултетот за земјоделски науки и храна, Проф. д-р Вјекослав Танасковиќ, Директор на програмата ИМЕ, г-дин Горан Дамовски, г-дин Гоце Георгиевски, претставник од МЗШВ, проф. д-р Драги Димитриевски, Факултет за земјоделски науки и храна.
