(ВИДЕО) Јапонска мушмула- дрво што цвета во јануари и дава многу вкусни плодови, го има и кај нас

Јапонската мушмула е дрво високо од 5 до 7 метри со широка и богата крошна. Листовите се светли, обраснати со ситни влакненца и релативно големи. Цвета во касна есен и во зимските месеци , а плодот созрева во мај и јуни. Плодот на јапонската мушмула е портокалово-жолт, многу вкусен со неколку кафеави семки. Се размножува од семка а можно е и калемење на самоникнатите растенија. На ова дрво не му одговара ветер така што би требало да се сади на светли места засолнето од многу силен ветер. Одлично поднесува високи температури како и темпеартури до -12 степени целзиусови но не на подолг период.

Можеби во некој двор наѕирнува дрво полно со жолти плодови, а можеби никогаш и не сте виделе јапонска мушмула. Добрата вест е дека успева и кај нас, лошата вест е дека е многу ретка. Сепак јапонската мушмула изобилува со здравствени бенефити.

Иако слатки, јапонските мушмули имаат многу малку калории, а изобилуваат со огромни количини на пектини, несолубилни диетални влакна. Пектините имаат улога во одржување на здрав колон, така што ја влажнат слузницата, спречуваат контакт со токсични материи, а исто така врзуваат и канцерогени супстанци кои се исфрлаат надвор пред да имаат можност да делуваат.

Исто така пектините помагаат во намалување на холестеролот, спречувајќи негова повторна абсорпција во дебелото црево.

Јапонската мушмула е одличен извор на витамин А и само 200 грами од овие плодови ја пополнуваат дневната потреба за овој витами. Витминот А е битен за острината на видот и здравјето на кожата. Освен витамини, овие овошки изобилуваат и со флавоноидни антиоксиданси.

Свежата јапонска мушмула е и одличен извор на калиум, битен минерал за одржување на електролитниот баланс во телото, срцвиот ритам и крвниот притисок. Од другите минерали, содржи значајни количини железо, калциум, манган и Б комплекс.

Важна напомена: Не се лажете да ги пробате мазните интересни семки од јапонската мушмула бидејќи содржат многу токсични алкалоиди како цијаноген-гликозиди кои кога се конзумираат можат да предизвикаат животно загрозувачки симптоми како повраќање, недостаток на воздух па дури и смрт.

Затоа, особено за децата се препорачува да бидат надгледувани од возрасни лица додека го јадат ова овошје за случајно да не изедат и некоја семка.