Голем интерес кај земјоделците за актуелниот повик за Мерка 112 од Програмата за Рурален развој – Млад земјоделец со која се добива грант од 600 000 денари – информира министерот за земјоделство, Цветан Трипуновски во емисијата Студио 10 на 24ТВ.
– Едно појаснување околу условот од 18 месеци, тоа значи дека треба да бидат регистрирани или евидентирани не подолго од 18 месеци. Се работи за луѓе кои дента кога ќе се евидентираат можат одма да аплицираат и оние што се евидентирани претходно до 18 месеци. Сакаме да дадеме почетен стимул за набавка на механизација, некој производен капацитет, дополна на постоечко стопанство…Почетна иницијатива да стартува младиот земјоделец, а потоа и да користат други мерки кои ги имаме планирано во програмите на МЗШВ – истакна Трипуновски.
