Министерството за земјоделство, шумарство и водостопанство втора година по ред учествува со национален штанд на еден од најзначајните меѓународни саеми за земјоделство и храна, „Зелена Недела“.
На саемот се изложени повеќе од 80 земји од светот, а земја-партнер е Република Хрватска.
Оваа година огромен интерес кај посетителите од сите страни на светот пробуди домашната мелничка и пекарска индустрија. Со егзибиција на врвните мајстори од Македонија, посетителите имаа прилика во живо да следат како се прави бурек на традиционален македонски начин и да дегустираат различни видови на пецива.
