На овие животни им треба чист воздух, простор, хигиена за нивното здравје, но понекогаш тоа едноставно не е доволно.
„Додека кравата број 2073 излегува од шталата и поминува пред камерата во близина, компјутерот ја идентификува и го следи секој чекор. На екранот е само кратко, но еве мала нерамномерност во одењето, која се обидува да ја сокрие. Можеби човек нема да забележи дека нешто не е во ред, но машината забележува“, пишува Би-Би-Си.
„Навистина, сакаме целосно да го замениме секое рачно набљудување на животните: кога кравата спие или јаде“, вели Тери Кенинг, коосновач и извршен директор на CattleEye.
Технологијата на неговата компанија автоматски ги открива раните знаци на кривење кај говедата. Засега се занимава само со објекти за молзни крави, а технологијата веќе се применува на фармите за млеко, најмногу во САД и Велика Британија.
Во моментов под контрола на системот се околу 20.000 крави.
На кравите им е потребен чист воздух за нивното здравје, а заблуда е дека им пречат ниските температури. Исто така, многу е важно да се води сметка за хигиената. На пример, во Франција, шталите за крави ја имаат цела страна на зградата целосно отворена, бидејќи на овие животни им се допаѓаат најприродните и наједноставните услови.
Фармите сѐ повеќе се свртуваат кон автоматизација поради многу причини. Една од нив е недостатокот на работна сила.
Но, новата технологија нуди и потенцијални подобрувања во смисла на грижа за животните и намалените емисии, вели Кенинг. „Всушност пресметавме дека ако можете да го намалите нивото на кривење на кравите за 10% на фармите, има заштеда од половина тон јаглерод по крава годишно“, објаснува тој.
Кривењето е предизвикано од повреди или инфекции и може да биде многу болно. Таквите крави произведуваат помалку млеко и ако не се лекуваат, исходот може да биде неповолен. Истражувачите од Универзитетот во Ливерпул го проучувале системот CattleEye на три фарми за да ја потврдат неговата точност.
Во едно истражување финансирано од фирма (допрва ќе се ревидира), професорот Џорџ Оиконому и неговиот тим ги споредиле резултатите за мобилност за добитокот направен од двајца експерти, со оние направени од системот CattleEye.
Тие откриле дека технологијата е приближно 80-90% во согласност со двајца експерти – во смисла на проценка кои животни не одат добро.
Кога 84 крави последователно биле тестирани за проблеми со копитата, истражувачите откриле дека системот за вештачка интелигенција бил малку подобар од експертите (луѓето) во изборот на оние кои имале оштетување на ткивото меѓу животните.
Посебна студија, исто така предводена од професорот Оиконому, но финансирана од шемата на велшката влада Farming Connect, покажа дека воведувањето на CattleEye на велшка млечна фарма со 300 крави покажа дека процентот на животни со потешкотии во движењето се намалил за 25,4%, на 13,5%. по шест месеци. Ова е само еден систем кој носи повисоко ниво на автоматизиран надзор на фармите.
Други уреди кои го следат нивното здравје вклучуваат сензори Moocal. Тие се врзани за опашот на кравата и покажуваат кога ќе се породат. Сензорите ги доловуваат карактеристичните движења на опашката на кравата „горе-долу“, кои се случуваат пред породувањето. Сепак, има многу фарми кои сè уште не ги усвоиле овие технологии.
Причина? Главно трошоците за технологија. Понекогаш, велат фармерите, едноставно не можат да ги усогласат со цената на млекото што го продаваат. Од друга страна, некои земјоделци сакаат да работат сами „со засукани ракави“, наместо да се потпираат на машини.
